Domowina dwurěčny namjet w sakskim krajnym sejmje wo serbskich naležnosćach wita 

Domowina namjet frakcijow knježerstwoweje koalicije w Sakskej – CDU, Zelenych a SPD – wita, kiž steji srjedu, 23.3., pod titulom „Šesta rozprawa wo połoženju serbskeho ludu w Swobodnym staće Sakskej” na dnjowym porjedźe krajneho sejma. Předsyda Domowiny, Dawid Statnik, so k tutej ćišćence parlamenta

https://edas.landtag.sachsen.de/viewer.aspx?dok_nr=9324&dok_art=Drs&leg_per=7 wupraja:

„Derje, zo sej zapósłancy tutu rozprawu wot knježerstwa za termin srjedź legislaturneje periody wužadaja, zo bychu z njeje hišće hač do přichodnych wólbow praktiske konkluzije sćahnyć móhli.

Zdobom so woni tež k wažnym ćežišćam wuznawaja: skutkownosć plana naprawow k pozbudźowanju a wožiwjenju wužiwanja serbšćiny, efektiwita wšelakich naprawow za wjac serbsce wuwučowacych a wobkedźbowanje zajimow serbskeho ludu w procesu změny strukturow. Tule so spomóžne zhromadne dźěło narodneje organizacije ze wšěmi demokratiskimi frakcijemi na dobro Serbstwa zadani: W tutym namjeće frakcijow, kotrež wjetšinu w sakskim parlamenće tworja, so palace temy wotbłyšćuja, kotrež je Domowina swojim partneram w krajnej politice na wutrobu kładła.

Wosebje nas wězo dwurěčnosć namjeta wjeseli: Serbšćina je z tym tež rěč w běžnym dźěle demokratiskeho zakonjedawarstwa. Na to nawjazujo budźemy pokročować po puću do dospołneje runohódnosće našeje maćeršćiny na wšěch runinach towaršnostneho žiwjenja.”

Domowina begrüßt den zweisprachigen Antrag im sächsischen Landtag zu sorbischen Angelegenheiten

Die Domowina begrüßt den Antrag der Fraktionen der Regierungskoalition in Sachsen – CDU, Grüne und SPD – am Mittwoch, 23.3., unter dem Titel „Sechster Bericht zur Lage des sorbischen Volkes im Freistaat Sachsen“ auf der Tagesordnung des Landtags. Der Vorsitzende der Domowina, Dawid Statnik, erklärt zu dieser Parlamentsdrucksache https://edas.landtag.sachsen.de/viewer.aspx?dok_nr=9324&dok_art=Drs&leg_per=7:
„Gut, dass die Abgeordneten diesen Bericht von der Regierung für einen Termin Mitte der Legislaturperiode fordern, um daraus noch bis zum Ende der Wahlperiode praktische Schlussfolgerungen ziehen zu können.
Zugleich bekennen sie sich auch zu wichtigen Schwerpunkten: die Wirksamkeit des Maßnahmenplans zur Ermutigung und Belebung des Gebrauchs des Sorbischen, die Effektivität verschiedener Maßnahmen für die Gewinnung von mehr Sorbisch Lehrenden und die Berücksichtigung der Interessen des sorbischen Volkes im Prozess des Strukturwandels. Hier wirkt sich die gedeihliche Zusammenarbeit unseres sorbischen Dachverbandes mit allen demokratischen Fraktionen zum Wohl des sorbischen Volkes aus: In diesem Antrag der Fraktionen, die eine Mehrheit im sächsischen Parlament bilden, spiegeln sich brennende Themen wider, welche die Domowina all ihren Partnern in der Landespolitik ans Herz gelegt hat.
Besonders freut uns natürlich die Zweisprachigkeit des Antrags: Sorbisch ist damit auch Sprache in der laufenden Arbeit der demokratischen Gesetzgebung. Daran anknüpfend werden wir auf unserem Weg fortschreiten bis zur vollständigen Gleichwertigkeit unserer Muttersprache auf allen Ebenen des gesellschaftlichen Lebens.”