Domowina spožča wuznamjenjenja

Hinweise Pressemitteilungen

Mytowanski wuběrk Domowiny je nětko wozjewił lětušich lawreatow Myta Domowiny a Čestneho znamješka Domowiny. Wuznamjenjenja přepodadźa čłonojo mytowanskeho wuběrka a předsyda Domowiny Dawid Statnik srjedu, dnja 2. oktobra, w Budyskim Serbskim domje, Póstowe naměsto 2.Z Mytom Domowiny 2019 wuznamjenjeja so

- prof. dr. Gerald Charles Stone z Oxforda,- Mikławš Krawc z Budyšina, - Lubina Dučmanowa ze Spal a- skupina serbskich duchownych z Delnjeje Łužicy: Helmut Hupac, Dieter Schütt a Cyril Pjech.

Myto Domowiny za dorost 2019 spožči so předšulskej skupinje WITAJ-pěstowarnje “K wódnemu mužej” Malešecy a Józefej Brězanej ze Smječkec.Z Čestnym znamješkom Domowiny 2019 wuznamjenjeja so lětsa:

- Alenka Hagerowa z Komorowa pola Rakec,- Ursel Domašcyna ze Slepoho,- Jěwa-Marja Čornakec z Drježdźan,- Michael Biskop z Dubrawki,- dr. Susanne Hozyna z Budyšina,- Jadwiga Kawiecka z Namysłowa/Pólska,- Bernd Jurk z Dubjego,- Hans Groba z Wojerec,- Sonja Hrjehorjowa ze Sulšec a- Kerstin Liederowa z Narća.

Myto Domowiny w tutej formje bu prěni raz w lěće 1990 spožčene; Čestne znamješko Domowiny přepoda so prěni raz w lěće 1959. Wustawki Myta Domowiny a porjad k spožčenju Čestneho znamješka Domowiny stej wozjewjenej pod http://www.domowina.de/hsb/domowina/wuberki/mytowanski-wuberk/.Pokiw a próstwa:Žurnalisća su na wuznamjenjenske zarjadowanje dnja 2. oktobra w 17 hodź. w Budyšinje wutrobnje přeprošeni. Prosymy pak wo přizjewjenje hač do 30. septembra (tel. 03591 550-202 abo -102, abo e-mail: presse@domowina.de), wutrobny dźak.

Back

Comments and Responses

×

Name is required!

Enter valid name

Valid email is required!

Enter valid email address

Comment is required!

Captcha Code Can't read the image? Click here to refresh

Captcha is required!

Code does not match!

* These fields are required.

Be the First to Comment