Dźensa (28.10.) započina so lětuši FUEN-seminar słowjanskich narodnych mjeńšin w Subotica/Serbiska. Domowina organizuje z pomocu Zwjazkoweho ministerstwa za nutřkowne naležnosće tute zetkanje kóžde lěto. Temy su mjez druhim “Modele dwurěčneho kubłanja” a “Dalša dźěławosć dźěłoweje skupiny słowjanskich mjeńšin pod trěchu FUEN”. Wčera wječor (27.10.) witaše seminarnu skupinu Vesna PRĆIĆ (viceprezidentka Demokratiskeje Unije Chorwatow čłonka parlamenta Wojwodiny) a Tomislav Žigmanov (prezident Demokratiskeje Unije Chorwatow a čłon parlamenta Serbiskeje). Serbow zastupuja Dawid Statnik, Julian Nyča, Clemens Škoda a Marija Pěčcyna.Dalše wobdźělene mjeńšiny su Rusiny z Ukrainy, Lemkojo z Pólskej, Češa z Chorwatskej a Słowakskej, Chorwaća a Makedončenjo ze Serbiskej, Korutanscy Słowjency a Serbičenjo z Chorwatskej.Foto: Tanja Golubić