Hłowna a wólbna zhromadźizna župy „Michał Hórnik” Kamjenc so srjedu, 18.11.2020, aktualnych postajenjow koronoweje pandemije dla njewotměwa. Župne předsydstwo nadźija so, zo móža zhromadźiznu spočatk 2021 přewjesć. Termin so sčasom zdźěli. K tomu so regionalna rěčnica Katharina Jurkowa wupraja: „Mamy w nowembrje zadźěwanja dalšemu rozpřestrěwanju korony dla socialne kontakty redukować, zo bychmy zaso hromadźe hody swjećić móhli. Runja we Łužicy je pandemija tuchwilu wosebite wužadanje, tohodla smy tež jako župa winowaći, zamołwiće jednać. Prosymy wšěch wo zrozumjenje za tónle rozsud. Zdobom chcemy z přestorčenjom župneje hłowneje a wólbneje zhromadźizny docpěć, zo móže so wona – z dodźerženjom wšěch předpismow hygieny – potom woprawdźe live a nic jenož digitalnje wotměwać. Dokelž to najwažniše na tajkej zhromadźinje je mjezsobna wosobinska wuměna.”