Prezidij Domowiny je so na swojim posedźenju dnja 19. decembra 2022 w Mučowje z wothłosowanjom předsydy Domowiny w zwisku z předłohu AfD na posedźenju Budyskeho wokrjesneho sejmika z dnja 12. decembra 2022 zaběrał. Prezidij wita zamołwjenje předsydy Dawida Statnika ze 17. decembra 2022.

Zhromadnje podšmórnje stejišćo 17. hłowneje zhromadźizny Domowiny k integraciji ćěkańcow kaž tež stejišćo Domowiny k wuslědkam wólbow Zwjazkoweho sejma z lěta 2017.

Stejimy za rěčnu a kulturnu mnohotnosć, humanitu a demokratiski zakładny porjad, kiž tworja zakładne stołpy našeje zhromadnosće. Zasudźujemy nacionalistiske,  rasistiske zmyslenja a wumjezowanje ludźi, kotřiž w našej towaršnosći škit pytaja.

Prezidij Domowiny namjetuje, zo by so zwjazkowe předsydstwo z prašenjom zaběrało, hač hodźi so stronskopolitiski mandat ze zamołwitej wodźacej funkciju w Domowinje zwjazać.