Dwaj dnjej do konferency k strukturnemu wuwićuwe Łužicy su wotběh, referenća a moderatorojo dźěłarničkow jasne. To praji dźensa w Budyšinje referent Domowiny Pětr Brězan. Konferenca wotměje so dnja 13. a 14. septembra na Braniborskej techniskej uniwersiće (BTU) w Złym Komorowje/Senftenberg, Uniwersitne naměsto 1. Wona je zjawna a zastup darmotny. Cyłkowny program je wozjewjeny pod www.domowina.de.

Konferencu k strukturnemu wuwiću we Łužicy organizujetej zhromadnje Dźěłarnička přichod Łužicy w nošerstwje wokrjesa Zhorjelc a Domowina – Zwjazk Łužiskich Serbow. Decernentka tutoho wokrjesa Heike Zettwitz a předsyda Domowiny Dawid Statnik dwudnjowske wuradźowanje štwórtk w 9 hodź. zahajitej.

Schadźowanje lubi wotměnjawy program, kiž wobswětli transformaciju Łužicy přez “serbske nawoči”, wjacerěčnosć a regionalne wuwiće w serbskim sydlenskim rumje runje tak kaž digitalizaciju abo socialne změny. Kóždy zajimc, kiž chce so na diskusiji wobdźělić, je wutrobnje witany, tak Pětr Brězan.

Prěni dźeń zahaji so z postrownymi słowami politikarjow. Zwjazkowy minister za hospodarstwo a energiju Peter Altmaier, kiž je zadźěwany, je pósłał Domowinje list, w kotrymž mjez druhim rěka:

“Als Saarländer mit tiefen familiären Wurzeln im Steinkohlebergbau weiß ich genau, was dies für die Menschen bedeutet, bei denen oftmals mehrere Generationen ihr Einkommen aus dem Bergbau bezogen haben. Für diese Menschen ist dies mehr als nur Einkommen, es ist eine starke regionale Verwurzelung. Deshalb bin ich mir darüber im Klaren, vor welchen Umbrüchen Sie stehen ... Die Lausitz bringt alles mit, damit auch dieser schwierige Strukturwandel am Ende zu einer Erfolgsgeschichte wird. Die Region verfügt über eine gute industrielle Basis, die sich auch auf den Weltmärkten behaupten kann. Die herausragende Kompetenz in energiewirtschaftlichen Fragen wird ein wichtiger Pfeiler für eine Industrie sein, die auch nach dem Wandel gute Arbeitsplätze bietet. Die Menschen in der Lausitz haben langjährige Erfahrungen mit dem Strukturwandel und wissen, dass sie es gemeinsam schaffen können. Und ich freue mich darüber, dass die Landsmannschaft der Sorben - ein Aushängeschild und lebendiges Merkmal der Lausitz - mit dieser Konferenz ebenfalls ein starkes Zeichen für Engagement zeigt ... Sie können sich darauf verlassen, dass ich mich mit aller Kraft dafür einsetzen werde, die Lausitz bei der Bewältigung des anstehenden Wandels zu unterstützen und gemeinsam mit den Ländern Sachsen und Brandenburg nach neuen Wegen für Einkommen und Beschäftigung zu suchen.”

Pjatk wěnuje so konferenca planam europskich spěchowanskich móžnosćow wot lěta 2020 sem kaž tež regionalnym wuskutkam hospodarskich změnow na narodne mjeńšiny.

Intensiwnu wuměnu lubi cyłkownje šěsć dźěłarničkow, kiž wotměja so tohorunja pjatk. Temy budu mjez druhim kulturne namrěwstwo Łužicy, zamołwitosć komunow a cyrkwjow za serbske naležnosće abo trěbnosć serbskich institucijow w přichodźe.