Statnej sekretaŕce za wědomnosć slěźenje a kulturu Bramborskeje dr. Ulrike Gutheil stej woglědałej dnja 19.03.2019 pśedsedaŕ Domowiny Dawid Statnik a zastupujucy jadnaŕ Marcus Końcaŕ. Dr. Gutheil jo zagronita krajneho kněžaŕstwa za nastupnosći Serbow.Pśibytne su se mjazy drugim rozgranjali wo WITAJ-ewaluaciji, pśichodnem financnem dogronje Załožby za serbski lud a strukturnej změnje. Tak jo zwuraznił Statnik mjazy druhim, až njedejali se serbske tematiki w politiskem jadnanju na kulturny wobłuk wobgranicować, ale až su Serby w zmysle strukturneje změny teke pótrjefjone w góspodarskich a infrastrukturnych wopśimjeśach. Nastupajucy WITAJ-ewaluacije stej pokazałej zastupnika Domowiny mjazy druhim na planowanu klawsuru dnja 10.04.2019. W jeje ramiku kśě sebje serbske gremije poziciju k ewaluaciji a k dalšnemu póstupowanju na pólu serbskego šulstwa naźěłaś. Za pśichodnu financnu dobu wobglědujo Statnik ako bytostne spěchowanje rěcy a dalšne regionalizěrowanje pórucenjow. How wiźi pótrjebu zapśimjeśa dalšnych nadawkow do spěchowanja. Wšo druge, tak Statnik, by doněntajšne struktury w swójom statkowanju howacej dalej póśěžowało.Na rozgronje jo se teke wobźělił Měto Nowak, referent krajneje zagroniteje za nastupnosći Serbow.