Namjety za „Myto Domowiny“ a „Čestne znamješko“ 2018 zapodać

Hinweise Pressemitteilungen

Lětsa maja so zaso zasłužbne wosoby z Mytom Domowiny, z Mytom Domowiny za dorost a z Čestnym znamješkom Domowiny wuznamjenić.

Z Mytom Domowiny maja so wosoby počesćić, kotřiž so zaměrnje a wuspěšnje za zachowanje a wozrodźenje serbskeje kultury, wosebje pak serbskeje rěče zasadźuja, kaž starši, kubłarki a wučerjo, dołholětni předsydźa Domowinskich skupin a druhich towarstwow.

Z Mytom Domowiny za dorost wuznamjeni so młodostna/y abo skupina, kotraž so na wusahowace wašnje za serbsku rěč a kulturu angažuje.

Z „Čestnym znamješkom Domowiny“ připóznawaja so zasłužby w towarstwowym dźěle, zwoprawdźejo program a směrnicy Domowiny.

W mjenje Zwjazkoweho předsydstwa Domowiny prosymy čłonow župow, towarstwow a jednotliwcow, zo bychu namjety za wuznamjenjenje hač do 30. junija 2018 zapodali na slědowacu adresu:

Domowina - Zwjazk Łužiskich Serbow z. t.
Póstowe naměsto 2/Postplatz 2
02625 Budyšin/Bautzen.

Was namjet móžeće tež z e-mailku pósłać na clemens.skoda@domowina.deMytowanski wuběrk prosy wo to, za namjet nowy formular wužiwać, kotryž je na webstronje składowany: http://www.domowina.de/hsb/domowina/wuberki/mytowanski-wuberk.

Na tutym dokumenće namakaće dalše informacije. Hdyž maće k tomu prašenja, móžeće zarjad Domowiny tež rady direktnje skontaktować.

Clemens Škoda
referent Domowiny za kulturu a wukraj,
e-mail: clemens.skoda@sorben.com, tel. 03591 550-208

Back

Comments and Responses

×

Name is required!

Enter valid name

Valid email is required!

Enter valid email address

Comment is required!

Captcha Code Can't read the image? Click here to refresh

Captcha is required!

Code does not match!

* These fields are required.

Be the First to Comment