Zwjazkowe předsydstwo Domowiny je na swojim posedźenju dnja 13.01.2023 w Budyšinje štyrjoch rjadnych a třoch zastupowacych čłonow rady Załožby za serbski lud (w dalšim Załožbowa rada) ze Sakskeje na dobu 2023-2027 wuzwoliło.

Po wustawkach Załožby za serbski lud § 5 wotstawk 2 dypk 1 přisłušeja Załožbowej radźe šěsć zastupjerkow/zastupjerjow serbskeho ludu, z kotrychž pomjenuja so štyrjo ze Swobodneho stata Sakska a dwaj z Kraja Braniborska. Kóždy z nich ma měć naměstnicu/naměstnika.

Na zakładźe protokoloweje noticy k statnemu zrěčenju wo wutworjenju Załožby za serbski lud woli braniborska Rada za naležnosće Serbow zastupjerjow serbskeho ludu z Braniborskeje do Załožboweje rady. W Sakskej ma tutón nadawk Zwjazkowe předsydstwo Domowiny po wothłosowanju ze serbskimi zjednoćenstwami.

Zwjazkowe předsydstwo Domowiny namołwja k zapodaću kandidatnych namjetow za wuzwolenje 4. serbskeho naměstnika do Załožboweje rady hač do 31. julija 2023. Namołwa so předewšěm wusměri na serbske zjednoćenstwa. Tež jednotliwcy smědźa so požadać.

Namjety z wotpowědnym wopodstatnjenjom a z wupjelnjenym naprašnikom kandidatki/ kandidata maja so zapodać na zarjad Domowiny, Póstowe naměsto 2, 02625 Budyšin abo z mejlku (sekretariat@domowina.de).

Kandidaća měli slědowace wuměnjenja spjelnić:

wólbokmanosć po wólbnym zakonju Sakskeje (SächsWahlG); wuznaće k přisłušnosći serbskemu ludej; wobknježenje serbskeje rěče (ertnje a pisomnje); wosobinski angažement za serbski lud; zwólniwosć k čestnohamtskemu dźěłu jako čłonka/čłon Załožboweje rady a k přewzaću cyłoserbskeje zamołwitosće při rozsudach wo prioritach přichodneho spěchowanja serbskich projektow a institucijow.

Załožbowi radźićeljo wukonjeja konkretne politiske dźěło hromadźe z fachowymi a ministerielnymi partnerami. Je to zamołwity nadawk, kotryž skići dohlad do financno-politiskeho wobłuka. Dźěłowy wobjim wučinja w přerězku 5 hodźin tydźensce. Radźićeljo wukonjeja swoje dźěło čestnohamtsce.

Na posedźenju Zwjazkoweho předsydstwa Domowiny dnja 30. junija 2023 schwali so wólbny porjad za wuzwolenje 4. serbskeho naměstnika Załožboweje rady ze Sakskeje.

Wólby wotměja so dnja 22. septembra 2023.

Dawid Statnik
předsyda Domowiny 

Aufruf des Bundesvorstandes der Domowina

Der Bundesvorstand der Domowina hat auf seiner Sitzung am 13.01.2023 in Bautzen vier ordentliche und drei stellvertretende Mitglieder des Rates der Stiftung für das sorbische Volk (im weiteren Stiftungsrat) aus Sachsen für den Zeitraum 2023-2027 gewählt.

Laut Satzung der Stiftung für das sorbische Volk § 5 Absatz 2 Punkt 1 gehören dem Stiftungsrat sechs Vertreterinnen/Vertreter des sorbischen Volkes an, von denen vier aus dem Freistaat Sachsen und zwei aus dem Land Brandenburg benannt werden. Für jeden ist ein Stellvertreter/eine Stellvertreterin zu benennen.

Auf Grundlage der Protokollnotiz zum Staatsvertrag über die Errichtung der Stiftung für das sorbische Volk wählt der Rat für Angelegenheiten der Sorben/Wenden beim Landtag Brandenburg Vertreter des sorbischen Volkes aus Brandenburg in den Stiftungsrat. In Sachsen hat diese Aufgabe der Bundesvorstand der Domowina nach Abstimmung mit den sorbischen Vereinigungen.

Der Bundesvorstand der Domowina ruft zur Einreichung von Kandidatenvorschlägen für die Wahl des 4. sorbischen Stellvertreters in den Stiftungsrat bis zum 31. Juli 2023 auf. Der Aufruf richtet sich vor allem an sorbische Vereinigungen. Auch Einzelpersonen dürfen sich bewerben.

Vorschläge mit einer entsprechender Begründung und dem ausgefülltem Fragebogen der Kandidatin / des Kandidaten sind bei der Geschäftsstelle der Domowina, Postplatz 2, 02625 Bautzen oder per Mail (sekretariat@domowina.de) einzureichen.

Die Kandidaten sollten folgende Bedingungen erfüllen:
Wahlberechtigung nach dem Sächsischem Wahlgesetz (SächsWahlG); Bekenntnis zur Zugehörigkeit zum sorbischen Volk; Beherrschung der sorbischen Sprache (mündlich und schriftlich); persönliches Engagement für das sorbische Volk; Bereitschaft zur ehrenamtlichen Arbeit als Mitglied des Stiftungsrates und Bereitschaft zur Übernahme einer gesamtsorbische Verantwortung bei Entscheidungen über Prioritäten der künftigen Förderung sorbischer Projekte und Institutionen.

Die Stiftungsräte leisten eine konkrete politische Arbeit gemeinsam mit fachlichen und ministeriellen Partnern. Es ist eine verantwortungsvolle Aufgabe, die einen Einblick in den finanzpolitischen Bereich bietet. Der Arbeitsumfang beträgt im Durchschnitt 5 Wochenstunden. Die Stiftungsräte üben ihre Tätigkeit ehrenamtlich aus.

In der Sitzung des Bundesvorstandes der Domowina am 30. Juni 2023 wird die Wahlordnung für die Wahl des 4. sorbischen Stellvertreters des Stiftungsrates aus Sachsen beschlossen.
Die Wahlen finden am 22. September 2023 statt.

Dawid Statnik
Vorsitzender der Domowina