2025 startuje w Mjeńšinowym sekretariaće w Berlinje z nowymaj sobudźěłaćerkomaj. Wot spočatka lěta dźěła Marie Wörner jako projektowa managerka za pućowacu wustajeńcu “Što rěka tu mjeńšina/Was heißt hier Minderheit?”. Wustajeńca změje lětsa w nalěću staciju w Serbskim muzeju w Budyšinje. Wotewrjenje budźe 6. haperleje. Přeprošenje a dalše informacije hišće slěduja.

Dale dźěła Carolin Renner jako referentka za sposrědkowanje wědy za mjeńšinowy sekretariat. Jeje nadawk wopřija mj. dr. wudźěłanje ekspertizow a wuwiće kubłanskich formatow k posrědkowanju wědy wo awtochtonych narodnych mjeńšinach w Němskej.

Tež nawodnistwo mjeńšinoweho sekretariata ma so bórze znowa wobsadźić. Nele Feuring bě nawod loni komisarisce přewzała a chce so dale wjeducemu nadawkej wěnować. „Lětsa započnu promociju we wobłuku slědźenja anticyganizma. Wostanu pak mjeńšinowemu sekretariatej dale swěrna. Leži mi jara na wutrobje, dobru dźěłowu atmosferu spěchować, nowych přistajenych optimalnje zadźěłać a nowe nawodnistwo derje do swojich nadawkow zawjesć.”

Foto teama mjeńšinoweho sekretariata namakaće w zdźělence Mjeńšinoweho sekretariata tu: Das Minderheitensekretariat und der Minderheitenrat starten ins Jahr 2025.