Poradźowacy wuběrk za prašenja serbskeho ludu poboku Zwjazkoweho ministerstwa nutřkowneho a domizny je so srjedu, 20.09.2023, w Berlinje schadźował. Pod nawodom jeho předsydki, społnomócnjeneje za mjeńšinowe naležnosće Natalie Pawlik, MdB (SPD) wobjednawachu přitomni aktualne temy ludu.

Na posedźenju běchu nimo zapósłančow Zwjazkoweho sejma Simony Koß (SPD) a dr. Christiane Schenderlein (CDU), předsyda Domowiny a jeho městopředsydaj Hartmut Leipner a Marko Hančik, předsyda Załožboweje rady Marko Kowar, jednaćelka Domowiny Judit Šołćina a direktor Załožby Jan Budar kaž tež młodostnaj Syman Sćapan a Ole Schmalfuß přitomni. Na městnje běchu tež dalši zastupjerjo knježerstwow Sakskeje, Braniborskeje a Zwjazka přitomni, mjez druhim Měto Nowak (MWFK), kaž tež wjednik mjeńšinoweho sekretariata Gösta Nissen.

Rozprawu wo połoženju serbskeho ludu poda předsyda Domowiny, Dawid Statnik, kotryž pokazowaše při tym wosebje na wažnosć rěčneho kubłanja. “Bjez solidneho wuhotowanja našich kubłanišćow a bjez wotpowědnych šulskich a zwonkašulskich naprawow rěčneho kubłanja njebudźe so nam radźić naše zaměry do přichoda realizować. W procesu strukturneje změny smy definowali cil, spočatk 22. lětstotka měć 100.000 serbsce rěčacych. To pak so nam jenož radźi, hdyž trěbne instrumenty financielnje derje podkładźemy.”

Syman Sćapan, čłon Serbskeje Murje a Pawka, kaž tež Ole Schmalfuß, předsyda Domowinskeje młodźinskeje skupiny w Žylowje, rozprawještaj z wida młodostneju z Hornjeje kaž tež Delnjeje Łužicy wo swójskich prioritach a wužadanjach Serbow. Tak rysowaštaj na jednym boku, kotru hódnotu digitalizacija serbskeje rěče za młodu generaciju ma a kak so na druhim boku tradicija a nałožki přez młodźinu wobstajnje a přiběrajcy pěstuja.

Tež přitomnaj nowy předsyda Załožboweje rady Marko Kowar a direktor Załožby Jan Budar předstajištaj mězniki dźěławosće zašłeho lěta na polu financowanja serbskeho ludu. Hladajo na tuchwilne finančne dojednanje hač do 2025 potwjerdźichu zastupjerjo knježerstwow Sakskeje, Braniborskeje kaž tež Zwjazka, zo su trěbne ličby na runinje knježerstwow wothłosowane a zapisane.

Hinak je to za přichodne 5. finančne zrěčenje Załožby za serbski lud wot lěta 2026 sem. Tu je direktor Załožby ličby knježerstwam sposrědkował. Paralelnje je so ze stron Domowiny před dwěmaj tydźenjomaj zahajił proces wothłosowanja mjez serbskimi institucijemi, załožbowymi radźićelemi a zastupjerjemi Zwjazkoweho předsydstwa Domowiny. Přezjedni wuprajichu so dźensa zastupjerjo knježerstwow Zwjazka a wobeju krajow, zo je za wuspěšny přihot noweho financneho zrěčenja zhromadne wothłosowanje a postupowanje na parlamentariskej runinje přez Domowinu a Załožbu trěbne.

“Domowina je a wostanje za Saksku, Braniborsku a Zwjazk zastupjerka zajimow Serbow a spušćomny partner we wšitkich serbskich naležnosćach. To wobkrućichu wšitcy třo w njedawnej rozprawje Němskeje k ramikowemu dojednanju k škitej narodnych mjeńšin Europskeje rady, kiž kónc lěta wuńdźe kaž tež hišće raz na dźensnišim posedźenju. Z tym smy derje přihotowani za přichodne wužadace lěta, kiž na nas čakaja”, praji Dawid Statnik po rozmołwje.

Hartmut Leipner, městopředsyda Domowiny rozprawješe wo tuchwilnych sudniskich jednanjach k serbskemu sydlenskemu rumej w Braniborskej a wupraji so kritisce přećiwo tuchwilnemu postupowanju sudnistwa, kak posudźuje, što słuša k serbskej kulturje a serbskim nałožkam. Tež Zwjazk měł jednanja kritisce wobkedźbować.

Dalše próstwy přednjese jednaćelka Domowiny k spěchowanju wědy wo Serbach a narodnych mjeńšinach w Němskej. Tu wočakuje tež wot Zwjazkoweje runiny kaž na př. Zwjazkoweje centrale za politiske kubłanje, zo mjeńšinowe temy lěpje a šěršo zawjaza. Zapósłancow Zwjazkoweho sejma namołwi w hospodarskich jednanjach mjeńšinowy sekretariat w Berlinje, kiž dźěła w nošerstwje Domowiny, njekrótšić.

“Zwěsćimy, zo je Zwjazkowe ministerstwo nutřkowneho a domiznu wotewrjene za spěchowanje młodostnych. Přeco zaso přeproša je na posedźenja. Efektiwnišo by było konkretne spěchowanje tež jednotliwych młodostnych. Wjeselimy so, zo je społnomócnjena Zwjazka dźensa připrajiła, młodostnych za praktikumy a prózdninske dźěła přijimować. Tež dalši přitomni so tomu přidružichu.”, praji Judit Šołćina.

Tuž přeprošamy serbskich młodostnych so pola Domowiny přizjewić, hdyž maja zajim do mjeńšinoweje politiki na knježerstwowej kaž tež runinje Zwjazkoweho sejma počuchać. Domowina rady sposrědkuje.

+++

Beratender Ausschuss der Sorben hat in Berlin getagt

Unter der Leitung der Vorsitzenden und Minderheitenbeauftragten Natalie Pawlik, MdB (SPD) hat sich der Beratende Ausschuss für Fragen des sorbischen Volkes des Bundesministeriums des Innern und Heimat gestern, dem 20.09.2023, in Berlin mit der aktuellen Situation der Sorben befasst.

Der Vorsitzende des Bundes Lausitzer Sorben e.V. – der Domowina – Dawid Statnik berichtete über die aktuelle Situation und betonte die Wichtigkeit der sorbisch-sprachigen Bildung. “Ohne eine solide Ausstattung unserer Bildungseinrichtungen und entsprechenden schulischen sowie außerschulischen Maßnahmen wird es uns nicht gelingen unsere Ziele in Zukunft zu realisieren.“

Auf der Tagesordnung stand der Bericht zur Situation der Jugendlichen in der Ober- und der Niederlausitz, welcher einerseits die Wichtigkeit der Digitalisierung der sorbischen Sprache hervor hob, aber auch die Bedeutung von Tradition und Bräuchen betonte, die durch die Jugend gepflegt werden. Außerdem wurden die laufenden Gerichtsverhandlungen zum sorbischen Siedlungsgebiet in Brandenburg thematisiert. Kritisch eingeschätzt wird das Vorgehen des Gerichtes hinsichtlich der Zugehörigkeit zur sorbischen Kultur bzw. zum sorbischen Brauchtum.

Mit Blick auf das künftige Finanzierungsabkommen der Stiftung für das sorbische Volk 2026-2030 übermittelte der Stiftungsdirektor Jan Budar den Regierungen aktuelle Bedarfszahlen. Das Abkommen vorbereitend hat die Domowina vor zwei Wochen den Abstimmungsprozess zwischen den sorbischen Institutionen, Stiftungsräten und Vertretern des Bundesvorstandes der Domowina eröffnet. Die Vertreterinnen der Regierungen des Bundes und beider Länder sprachen sich dafür aus, dass eine gemeinsame Abstimmung der Domowina und der Stiftung für eine erfolgreiche Vorbereitung des 5. Finanzierungsabkommens sowie für die Abstimmung auf parlamentarischer Ebene notwendig ist.

“Domowina ist und bleibt für Sachsen, Brandenburg und den Bund die Interessenvertretung der Sorben und verlässlicher Partner in allen sorbischen Angelegenheiten. Das bestätigten die Vertreterinnen des Bundes sowie der Länder Brandenburg und Sachsen in einem Bericht Deutschlands zum Rahmenübereinkommen zum Schutz nationaler Minderheiten des Europarates, welcher Ende des Jahres erscheint sowie in der gestrigen Sitzung.”, so Dawid Statnik nach dem Gespräch.

An der Sitzung des Beratenden Ausschusses beteiligten sich die Bundestagsabgeordneten Simona Koß (SPD) und Dr. Christiane Schenderlein (CDU), der Domowina-Vorsitzende Dawid Statnik sowie seine Stellvertreter Dr. Hartmut Leipner und Marko Hančik, der Vorsitzende des Rates der Stiftung für das sorbische Volk Marko Kowar, die Domowina-Geschäftsführerin Judit Šołćina, der Direktor der Stiftung Jan Budar, sowie die Jugendvertreter Syman Sćapan und Ole Schmalfuß. Außerdem waren weitere Vertreter der Regierungen Sachsens, Brandenburgs und des Bundes anwesend, u.a. Měto Nowak (MWFK) sowie der Leiter des Minderheitensekretariats Gösta Nissen.

Foto: Domowina