Serbske Nowiny a Domowina organizujetej zhromadnje zjawny wólbny forum “Što je nam wažne w Berlinje?” z direktnymi kandidatami wólbneho wokrjesa 156 Budyšin 1 před wólbami zwjazkoweho sejma. Wón budźe 7. septembra we 18.30 hodź. w Budyskim Serbskim domje, Póstowe naměsto 2.  Wšitcy su připrajili, so wobdźělić. “Nas na přikład zajimuje, hač a kak chcedźa kandidaća politisku participaciju narodnych mjeńšin na zwjazkowej runinje zesylnić, kak chcedźa strukturne wuwiće we Łužicy podpěrać a měnjenje a namjety kandidatow k zjawnej dwurěčnosći”, praji předsyda Domowiny Dawid Statnik.
Wšitcy zajimcy su wutrobnje na wólbny forum přeprošeni.