Zwjazkowe předsydstwo Domowiny wuradźuje dnja 6. septembra wot 17.30 hodź. w Choćebuzu w Delnjoserbskim internaće na Žylojskej droze 39.Na dnjowym porjedźe steja mjez druhim:- staw zwoprawdźenja wobzamknjenja zwjazkoweho předsydstwa k wuslědkam ewaluacije WITAJ-wučby a dalše postupowanje, - wólbny porjad k nominowanju štyrjoch kandidatow za wólby čłonow Rady za serbske naležnosće Sakskeje, - pomjenowanje wěcywustojnych wobydlerjow za sobuskutkowanje w dźěłowym kruhu za serbske naležnosće wokrjesa Budyšin,- zahajenje diskusije wustawkow Domowiny a- zesylnjenje nutřkoserbskeje a nutřkodomowinskeje komunikacije.Zajimcy su na zjawny dźěl wuradźowanja wutrobnje přeprošeni. Dnjowy porjad namakaće tule na našej web-stronje.