Na swojim 18. posedźenju je prezidij Domowiny 22. Hłownu zhromadźiznu dale přihotował. Wosebje je so lisćina hosći konkretizowała. Připrajenje wyšeho měšćanosty města Chóśebuz Tobiasa Schicka hižo předleži.

Prezidij prosy Domowinske župy a čłonske towarstwa swojich delegatow za hłownu zhromadźiznu do 26. februara pomjenować a je zarjadej sposrědkować. 

Čłonojo Domowiny měli dale swoje namjety za wobzamknjenja hłowneje zhromadźizny hač do 1.apryla 2023 zapodać. Krótkodobniše zapodaća so z organizatoriskich přičin jenož z wopodstatnjenjom chwatnosće nanajpozdźišo na spočatku hłowneje zhromadźizny přiwozmu.

Přichodne posedźenje Zwjazkoweho předsydstwa budźe 17. měrca, do toho přewjedźe so 1. měrca přichodne posedźenje prezidija.