25 šulerkow a šulerjow běchu dźensa na wopyće w Budyskim Serbskim domje. W skupinkach rozdźěleni wopytachu Serbsku kulturnu informaciju (SKI), Załožbu za serbski lud kaž tež Domowinu a Rěčny centrum WITAJ.

Michaela Hrjehorjowa, zamołwita za management rěčnych projektow pola WITAJ, předstaji dźěławosć Rěčneho centruma. Nimo toho mějachu šulerki a šulerjo móžnosć, aktualne materialije a produkty wuspytać. Wo Serbach a Domowinje zhonichu hosćo wot Miry Nowakec, kotraž dźěła nachwilnje za Domowinu. Zhromadnje ze Zorja-praktikantku Miru Dubianojc nadźěła skupina na plakaće dźensniše dopóznaća.

W SKI mějachu šulerki a šulerjo dale składnosć, so raz do dźěła turistikarjow zanurić. Tak předstajichu w roli sobudźěłaćerja turistiskeje informacije Serbow. Społnomócnjeny za digitalizaciju, Daniel Zoba, je młodostnym mjez druhim rozkładł, kak móža delnjoserbsku tastaturu na laptopje a šmóratku nastajić abo tež delnjoserbske stikery (emoticons) wužiwać.

Zakónčace zarjadowanje wotmě so popołdnju w Serbskim ludowym ansamblu, kotryž je wopyt koordinował.

Foto (Domowina/Božena Šimanec): Šulerki a šulerjo 8. Lětnika Delnjoserbskeho gymnazija z Miru Dubianojc, Miru Nowakec, Katrin Suchec-Dźisławkowej a wučerku Colette Šampatisowa (7. wotlěwa).