Kak je Sakski serbski zakoń před 25 lětami nastał? Šulerjo 9. lětnika Serbskeho gymnazija Budyšin pod nawodom swojeho wučerja Damiana Dyrlicha rozmołwjachu so štwórtk, 6.6.24 wo tajkich a podobnych prašenjach z časowymi swědkami w Serbskim muzeju. Tući běchu zapósłanc CDU Marko Šiman, něhdyši zapósłanc SPD Benedikt Dyrlich, něhdyši zapósłanc PDS Sieghard Kozel a Bjarnat Cyž, něhdyši předsyda a pozdźiši jednaćel Domowiny. Serbja mějachu w 1990tych lětach wjacorych zapósłancow w Sakskim krajnym sejmje, kotřiž zasadźowachu so nadstronsce za serbske naležnosće.

Na zarjadowanje bě Domowina – Zwjazk Łužiskich Serbow w kooperaciji ze Serbskim muzejom přeprosyła.

fota: Domowina