Dom Měrćina Nowaka Njechorńskeho móža zajimcy wotnětka tež digitalnje dožiwjeć. Wo tym regionalna rěčnica Domowiny, Katja Liznarjec, informuje. Lětsa w nalěću natoči so z Róžu-Marju Kurfürstec-Pinkawinej wodźenje po domje Měrćina Nowaka w Njechornju na nastork župy „Jan Arnošt Smoler” Budyšin. Wona je do dźensa jenička wosoba, kiž wodźi po wustajeńcy w domje. Kurfürstec-Pinkawina powědaše wo Měrćinu Nowaku jako moler, spisowaćel a kulturnik. Powědaše, zo bě po Łužicy jězdźił a drasty, nałožki a architekturu sej wobhladał a po puću skicował. Lipowe łopješko je wot lěta 1923 wužiwał a w tym času tež serbsce nawuknył.

Rysowaše, kak bě jeho wosobinsce 1959 zeznała, jako do Njechornja přindźe, tam bydleše a zo je z nim lěta trajace přećelstwo hajiła. Tohorunja powěda wo času přewróta, hdyž je so wjesna šula we Worcynje zawrěła, ze sćěhom, zo poča so serbšćina w kónčinje pozhubjeć. Předstaji eksponaty wustajeńcy, ale wosebje wosebitostki we jstwě a wobchodźe Nowakec swójby.

Originalny awdijo-zwuk je Michał Cyž ze serbskeje medijoweje etaže natočił. Jednotliwe zwukowe dataje je přitřihał a wobrazam přirjadował. Z medijoweho projekta „360° dom Měrćina Nowaka” je nastało nětko wšěm přistupne digitalne serbske wodźenje po domje. Přistup pod:

http://s151940644.online.de/360MercinNowak/zastup.html

Dom Měrćina Nowaka Njechorńskeho přepoda so 19. junija 1999 zjawnosći. Swoju ležownosć z domom a ateljejom bě wuměłc wotkazał Domowinje z přećom, tu zarjadować muzej a serbske kulturne schadźowanišćo. Po wobšěrnych ponowjenskich dźěłach wosebje na domskim so přeće zwoprawdźi. Klamarnja je podobnje zarjadowana, kaž bě ju Měrćin Nowak-Njechorński w dźěćatstwje znał. Wulke předawanske blido a polcy so po dodźeržanych originalach nowe natwarichu. Bydlenska stwa je wostała njepřeměnjena tajka, kaž běštaj ju Nowakec mandźelskaj hač do smjerće wužiwałoj. W dalšich rumnosćach předstajeja so wobłuki, kiž wobliwowachu Njechorńskeho wuwiće a tworjenje. Wopytowar zhoni wo Serbach we wuchodnym Budyskim kraju, wo ródnej wsy Njechornju, po kotrejž bě sej Nowak swoje wuměłcowe mjeno stworił, wo njewšědnych swójbnych a nabožnych poměrach za čas jeho dźěćatstwa.

Žiwjenju a skutkowanju Měrćina Nowaka-Njechorńskeho stej wěnowanej dalšej rumnosći. Bjezposrědni zaćišć wo jeho tworjenju jako moler a spisowaćel dóstanje wopytowar w originalnje zarjadowanym ateljeju.

Digitaler Rundgang durchs Martin-Nowak-Haus in Nechern

Das Martin-Nowak-Haus in Nechern/Njechorń ist nunmehr auch digital zu erleben. Darüber informiert Katja Ließner, Regionalsprecherin des sorbischen Dachverbandes Domowina. Rosalia-Maria Kurfürst-Pinkau betreut bereits über Jahrzehnte Gäste, die das Wohnhaus und die Ausstellung des sorbischen Volkskünstlers besuchen. Zusätzlich zu 360°-Bildern erhalten Besucher der Website Informationen aus dem Leben und Wirken von Martin Nowak-Neuman in sorbischer Sprache, gesprochen von Rosalia-Maria Kurfürst-Pinkau.

Digital ist das Martin-Nowak-Haus zu erleben unter:

http://s151940644.online.de/360MercinNowak/zastup.html

Das Martin-Nowak-Neumann-Haus wurde 1999 der Öffentlichkeit übergeben. Entsprechend dem Testament des Künstlers war das Anwesen in Nechern/Njechorń nach seinem Tod in den Besitz der Domowina - Bund Lausitzer Sorben e.V., übergegangen, aufwendig saniert und als Museum und kulturelle Begegnungsstätte eingerichtet worden.

Martin Nowak-Neumann/ Měrćin Nowak Njechorński gehört zu den herausragenden sorbischen Persönlichkeiten des 20. Jahrhunderts. Hochgeehrt starb er am 6. Juli 1990 in seinem Geburtshaus. Sein Grab befindet sich in Gröditz/Hrodźišćo.

Als bildender Künstler stellte sich Nowak-Neumann die Aufgabe, eine sorbische nationale Kunst zu begründen. In Anlehnung an die traditionelle Volkskunst vereinte er Mythologie und Folklore mit einer romantisch-historisierenden Darstellung der ländlichen Lebensweise. Wassermann, Mittagsfrau, Lutken und andere Figuren aus Sagenwelt und Volksliedern erhielten durch ihn erstmals eine überzeugende Gestalt.

Sein Signet ist das Lindenblatt, die Linde das Symbol des sorbischen Volkes.

Selbstverständlich sind weiterhin auch Führungen direkt vor Ort und auch in deutscher Sprache möglich und gern gesehen: https://www.domowina.de/mitgliedschaft/mitgliedsvereine/regionalverband-der-domowina-bautzen/regionale-besonderheiten/sehenswertes/martin-nowak-neumann-museum-nechern

Bilder: Rosalia-Maria Kurfürst-Pinkau, Martin-Nowak-Neumann-Haus. Fotos: Katja Liznarjec/Ließner, Kito Hendrich