Dr. Bernd Fabritius, społnomócnjeny zwjazkoweho knježerstwa za prašenja wusydlencow a narodne mjeńšiny, wopyta jutře popołdnju, dnja 28. měrca, Choćebuz a Dešno. Wón chce serbske gremije a jich dźěło zeznać a so wo temach kubłanje, situacija hornjoserbšćiny a delnjoserbšćiny kaž tež strukturna změna we Łužicy informować. Na zetkanju wobdźěla so předsyda Rady za naležnosće Serbow při Krajnym sejmje Braniborskeje Torsten Mak, předsydka Rady Załožby za serbski lud Susann Šenkec, předsyda Domowiny Dawid Statnik a čłon Zwjazkoweho předsydstwa Domowiny Kito Ela.Po zetkanju w Serbskim domje je rozmołwa ze šulerjemi Delnjoserbskeho gymnazija planowana. Přizamknje so wopyt Domizniskeho muzeja w Dešnje, Hłowna droha 32. Tam budźe w 15 hodź. składnosć za krótku medijowu rozmołwu.