Cora jo se wótměło prědne pśiwitanje Domowiny – Zwězka Łužyskich Serbow we woponowem zalu na Lubinskem groźe. Něźi 80 gósći politiki, komunow, partnaŕskich organizacijow a medijow jo slědowało pśepšosenje a jo dožywiło wjacor połny impulsow a inspiracijow.

Wósebny wjerašk jo była prezentacija Łužyskego monitora, kótaruž jo dr. Jörg Heidig pśedstajił. Wót lěta 2020 pśewjedu slěźarje reprezentatiwnu analyzu a pśewóźuju strukturne wuwiśe Łužycy. Lětnje prašeja so 1000 Łužičankow a Łužičanow. Napšašowanje wóspjet pokazujo, až su Serby njewuzbytny źěl regiona.

Mjaztym, až na drugich městnach wjele luźi wótdrogujo, se Serby nadpśerěznje zasej do swójeje domownje wrośiju. Mimo togo su Serby gónjujucy motor w strukturnej změnje regiona.

Pśedsedaŕ Domowiny Dawid Statnik jo wuzwignuł: „Zjadnośimy něźi 200 kupkow a 7.500 cłonkow. Njeglědajucy na wšykne wupominanja wóstanjo naša wizija jasna: Až do 2100 ma 100.000 luźi serbski powědaś. Toś ten zaměr dojśpijomy jano zgromadnje – pśez partnarstwa, angažement a kšutu wěru do wěcejrěcneje Łužyce. “

Wjacor jo se pśez wustup Błośańskego žeńskego chora Lubin a duwa Walburga Wałdźic a Izabela Kałduńska kulturnje wobrubił.

Domowina źěkujo se wutšobnje wokrejsoju Dubja-Błota, muzejoju Grod Lubin a wšyknym wobźělonym, kenž su toś ten raźony zachopk zmóžnili. Zgromadnje źěłamy na pśichoźe za našu Łužycu!

foto: Domowina/Matej Dźisławk

wobraz Łužyski monitor: Na napšašowanju Łužyskego monitora su se 1000 Łužycanarjow a Łužycanarjow wobźělili, mjazy nimi teke Serby abo ze serbskim póchadom. 85 % Serbowkam a Serbam lažy Łužyca na wutšobje, ale jano 64 Łužycanarjam bźez serbskego póchada.