Jako wulki wuspěch za wšitke ludy Europy hódnoći dźensa předsyda Domowiny Dawid Statnik wuspěšne zběranje podpismow za europsku iniciatiwu Minority SafePack (MSPI) za wjace prawow narodnym mjeńšinam. Wón praji: “Wjeselu so jara, zo je iniciatiwa wuspěšna. Dźakuju so wšitkim podpěraćelam – Serbam, přećelam a politice – kotřiž su našej naležnosći přihłosowali. Tež hdyž njejsmy w Němskej trěbnu ličbu podpismow docpěć móhli, tak smy tola k poradźenju iniciatiwy dopomhali.”Nimo mnohich, kiž su sami podpisali abo na zarjadowanjach podpisma zběrali, tak Statnik, su tež politikarjo k wuspěchej tuteje wažneje akcije přinošowali, na přikład Krajny sejm Braniborskeje, ministerski prezident Sakskeje Michael Kretschmer a něhdyši społnomócnjeny Zwjazka Hartmut Koschyk. Jim wšěm słuša naš dźak, tak Statnik.Dalše informacije k MSPI namakaće deleka pod linkom FUEN.https://www.fuen.org/de/news/einzelansicht/article/1128385-certified-signatures-for-the-minority-safepack-initiative/https://www.facebook.com/Federal.Union.of.European.Nationalities/videos/2171732199534486/https://www.fuen.org/de/kongresse/congress-2018/assembly-of-delegates-2018/

www.fuen.org
www.minority-safepack.eu/