Na měsačnym posedźenju regionalnych rěčnicow a referentow Domowiny srjedu w Chrósćicach je kubłanska referentka za młodźinu we wokrjesomaj Budyšin a Zhorjelc, Virginia Hanuzowa, wo swojim dźěle rozprawjała. K tomu słušeja poskitki za serbsku młodźinu a dźěławosć za prewenciju w zwisku z problemami kaž alkohol, drogi a prawicarski ekstremizm. Kónc lěta so wona do staršiskeho časa poda, Domowina pyta hišće naslědnicu resp. naslědnika za tute zastojnstwo wot spočatka 2022 hač do měrca 2023. Nimo toho wěnowachu so mjez druhim praktiskim prašenjam skutkowanja Domowiny pod so zaso dale a bóle přiwótřacymi wuměnjenjemi pandemije. Jednaćel Marko Kowar namołwja wšěch hłowno- a čestnohamtsce dźěławych, kotřiž hišće šćěpjeni njejsu, to nachwatać, zo by so dalšim wušparanjam zadźěwało.