Z kamishibai-wubědźowanjom za dźěći, šulerjow a dorosćenych zwoprawdźa župa „Handrij Zejler” Wojerecy dźěl swojeho wuspěšneho projekta „Žiwa kuzłarska křinja serbskich bajkow, bajow a powědančkow“ w ramiku lětušeho fondsa „Čiń sobu” Sakskeje. Wo starće wubědźowanja informuje Sonja Hrjehorjowa, regionalna rěčnica Domowiny we Wojerecach:„Kamishibai-kašćik wobsteji z ramika, kotryž wupada na prěni pohlad kaž jewišćo za klankodźiwadło. W našim wubědźowanju namoluja wobdźělnicy seriju wobrazow k serbskej bajce abo powěsći. K tutym wobrazam so bajka swobodnje wot was serbsce powěda, tak zo ma přihladowar swoje wjeselo. Pósćelće nam widejo z wašej prezentaciju a hromadźe z wašimi wobrazami pak jako USB-stick na Župa „Handrij Zejler” Wojerecey, Drježdźanska dróha 18, 02977 Wojerecy abo z pomocu www.wetransfer.com na zupa.HZ@domowina.de . Budźemy we šěsć starobnych skupinach wot pěstowarskich dźěći hač k dorosćenym mytować. Tež šule po cyłej Łužicy su přeprošene, so ze swójskim kamishibai-wubědźowanjom wobdźělić a mjena dobyćerjow nam zapodać. Naš zaměr je zaběra ze serbskimi powěsćemi a bajkami. Wupłód ma być namolowana serija wobrazow, ke kotrymž so na zabawne wašnje serbsce powěda. Wjeršk wubědźowanja budźe kamishibai-festiwal 12. junija 2021 na zahrodźe Domowinskeho domu we Wojerecach.Tu předstaja a powědaja najlěpši swoje bajki a so na městnje mytuja. Wšě informacije a praktiske pokiwy za přihotowanje a wobdźělenje su na internetnej stronje župy zajimcam přistupne: https://www.domowina.de/hsb/clonstwo/sobustawske-zupy-a-towarstwa/domowinska-zupa-handrij-zejler-wojerecy/kamishibai-wubedzowanje/. Štóž trjeba za prezentaciju kamishibai-kašćik, móže sej jón pola nas wupožčić.”Mamy tež wšelake wobrazy jako ilustraciju za Was, jeli to za wozjewjenje trjebaće. Wšě wobsahowe informacije (kotrež tež přez horjeka mjenowany wotkaz namakaće) tu: Pokiwy a wuměnjenja za wobdźělenje na wubědźowanju: „Moja najlubša kamishibai-powědka” Što je kamishibai? „Kamishibai je kaž hladanje telewizora bjez miliny“. Kamishibai-kašćik wobsteji z ramika, kotryž wupada na prěni pohlad kaž jewišćo za klankodźiwadło. Dźiwadło je tak nastajene, zo je za wšitkich přihladowarjow derje widźomne. Powědar steji pódla abo za jewišćom a tyka do njeho seriju wobrazowych kartkow (zwjetša w šěrokim formaće A3) k wotpowědnej bajce. Karty so za čas powědanja jedna po druhej wućahuja a stawizna so k wobrazam powěda. Derje je, hdyž sej powědar ze swojim hłosom, z wobrazami abo druhimi elementami hrajka. Fantazija nima při powědanju bajkow žane hranicy. Na sćěhowacych stronach namakaće dobre přikłady a pokiwy: www.donbosco-medien.de/kamishibaiwww.mein-kamishibai.deWo čo dźe? W našim wubědźowanju namoluja wobdźělnicy seriju wobrazow k serbskej bajce abo powěsći. K tutym wobrazam so bajka swobodnje wot Was powěda, tak zo ma přihladowar swoje wjeselo. Štó móže so wobdźělić? - Kóždy, kiž ma k tomu lóšt, wšojedne hač jednotliwc abo w skupince. To rěka, štóž móže molować, ale sej mysli, zo móže druhi bajku lěpje powědać, njech w skupinje zhromadnje na tym dźěła. - Staroba njehraje při tym žanu rólu. - Wosebje narěčeni su tež šule, a bychmy so wjeselili nad mnoho přinoškami šulerjow a rjadowniskich cyłkow. Što so powěda? - Serbske powěsće a bajki To rěka, zo njeńdźe tu wo bajki na př. ze zběrkow Grimmec bratrow abo Andersena, kotrež su do serbšćiny přełožene. Ale wuzwolće sej łužisku serbsku bajku abo powěsć, kaž na přikład wo lutkach, připołdnicy, hadźacym kralu, wódnym mužu, zmiju, błudničkach, Pumpoće, wjelku a lišce, Pintlašku a tak dale. W NDRskim času je wušoł knižny rjad „Bajka“ za dźěći. Knižki z tutoho rjadu maja kwadratiski format a krutu wobalku. Snano namakaće hišće jednu knižku z rjaneho rjadu bajkow z pjera znatych serbskich dźěćacych awtorow. Tuž přepytajće swoje knižne kamory abo polcy pola dźěda a wowki za knihami ze serbskimi bajkami a powěsćemi. Jeli tam ničo njenamakaće, pytajće za nimi w šulskej abo měšćanskej bibliotece. Wězo móžeće sej wotpowědnu literaturu tež w Budyšinje w Smolerjec kniharni abo w Serbskej kulturnej informaciji (tež online) abo zawěsće na mnoho druhich městnach kupić. Tu jenož mały wuběr knihow, kotrež su na předań:

Wězo móžeće tež w němskorěčnych knihach za powěsćemi a bajkami pytać. Wažnje je, zo je potom serbsce powědaće:

Faya & Welo im Land der Lutkis. Geschichten aus Lausitz und Spreewald. Pśezpołdnica. Die Mittagsfrau. Sagen aus der Niederlausitz ISBN 978-3-938555-54-5 Sagen aus dem Spreewald (L) Sagen aus der Lausitz Što maće dale činić? - Wupytajće sebi bajku abo powěsć! - Přečitajće sej ju dokładnje. - Je-li originalna bajka abo powěsć předołha abo so wam ćežko powěda, wumysliće sej swójski tekst. - Wobohaćće tekst z dialogami, začućemi – cyle po wašej fantaziji. - Přemyslujće, ke kotrym scenam móžeće wobraz namolować. - Rozdźělće k scenam tekst do wotrězkow. - Namolujće wobrazy k wotrězkam na wosebje kruty papjerc, w šěrokim formaće po móžnosći we wulkosći A3, zo bychu so wobrazy do kamishibai-kašćikow hodźeli. Technika wuhotowanja wobraza njehraje při tym žanu rólu. Mysliće jenož na to, zo dyrbi za přihladowarja derje widźeć a spóznajomny być. Tuž so sylne barby a jasne kontury najlěpje hodźa. - Přihotujće prezentaciju swojeje bajki abo powěsće. - Jeli trjebaće za prezentaciju kamishibai-kašćik, móžeće sej jón pola nas wupožčić (njeje pak wuměnjenje, zo jón wužiwaće). - Zwučujće z pomocu wobrazow, bajku žiwje powědać. Na přikład móžeće ze wšelakimi hłosami rěčeć, k tomu spěwać, klanki sobu wužiwać – wažne je, zo je za přihladowarja zabawna. - Hdyž to derje móžeće, natočće wšitko na widejo. Wobkedźbujće při tym, zo dyrbja wobrazy derje widźeć a waše powědančko derje słyšeć być. - Pósćelće nam widejo z wašej prezentaciju hromadźe z wašimi wobrazami. - Zdźělće nam tež: - mjena wšěch wobdźělenych, - starobu abo rjadownju, - adresu, - e-mail adresu, - telefoniske čisło Pokiwy za šule: - Šule su přeprošene, wosebite wubědźowanje na šuli zahajić. Za to kiwa wosebite myto. - Šula wuzwoli swojeho najlěpšeho kamishibai-powědarja we wotpowědnej starobnej skupinje. - Šula sćele nam mjena dobyćerjow, wobrazowu seriju z tekstom a po móžnosći tež widejo. Dokal ma so wšitko słać?

Kak so mytuje? Mytujemy w sćěhowacych starobnych skupinach:

Jury wuzwoli z najlěpšich zapósłarjow. Hdy a hdźe so mytuje? Wjeršk wubědźowanja budźe kamishibai-festiwal 12. junija 2021 na zahrodźe Domowinskeho domu we Wojerecach. Tu předstaja a powědaja najlěpši swoje bajki a so na městnje mytuja. Što móžeće dobyć? Pjenježne myta we wysokosći wot 30,00 do 300,00 eurow. Termin za wotedaće? 14. apryl 2021