K wólbam čłonow Rady za serbske naležnosće Sakskeje so Marko Kowar, jednaćel Domowiny, wupraja:Wjeselimy so, zo je parlament namjet serbskeho třěšneho zwjazka přiwzał. To je tež wuraz respekta před politiskej sebjeorganizaciju serbskeho ludu. Domowinje přisłuša 180 towarstwow, zwjazkow a skupin, a jeje zwjazkowe předsydstwo, kotrehož zestawa je wuslědk reprezentatiwnych wólbow, je přeswědčacy wotum zapodało.Zdobom so wjeselimy, zo móža Julian Nyča, Diana Šołćina, Dawid Statnik a Marko Suchy jako partnerojo Sakskeho krajneho sejma a Sakskeho statneho knježerstwa dźěłać. Tež personelny namjet Sakskeho zwjazka městow a gmejnow, Chróšćan wjesnjanosta Marko Kliman, ma našu połnu dowěru, wšako je tež wón w serbskich gremijach hłuboko zakótwjeny. Z tym je w radźe dobra měšeńća z kontinuity a wobnowjenja zastupjena.My so dotalnym čłonam gremija Mari Michałkowej, Leńce Tomasowej a Manfredej Hermašej za jich dołholětnu a njesebičnu dźěławosć dźakujemy. Wšitcy třo njejsu hižo kandidowali. Woni su stawizny sebjewědomeho zastupnistwa serbskich zajimow sobu pisali a su na zbožo dale w serbskim žiwjenu pře wšu měru aktiwni.