Wutoru je so mjeńšinowa rada ke krótkemu wuhódnoćenju wólbow do zwjazkoweho sejma zetkała. Zetkanje su digitalnje přewjedli. Woni su so dorozumili, z kotrymi temami so na strony a tež kandidatki/kandidatow wobroća. Zakład za dalše dźěło maja wólbne kopolaki a wotmołwy stronow być, kotrež su so tež na internetnej stronje mjeńšinoweho sekretariata dokumentowali.

Wosebje chce so mjeńšinowa rada prócować, zo strony namjetaj, mjeńšiny do zakładneho zakonja zapisać a prawa skorženja za mjeńšinowe organizacije zmóžnjeć, při koaliciskich jednanjach wobkedźbuja. Njehladajo na to chce so Domowina tež sama ze serbskimi temami na strony wobroćić, informuje předsyda Domowiny, Dawid Statnik, kiž je so na posedźenju na zwučene wašnje wobdźělił.