37-lětna Sylvia Gläser ze Židźinoho běše wutoru (15.2.) dopołdnja we Wojerowskim domje Domowiny prěnja skazarka židźaneho damasta za šórcuchi regionalneje narodneje drasty, spěchowaneho na iniciatiwu župy „Handrij Zejler” wot Załožby za serbski lud. Knjeni Gläser je sej specielnje zhotowjenu tkaninu za swojej dźowce Danu (7) a Coru (12) wupytała, kotrejž w Serbskej drastowej skupinje Židźino rejujetej. Hižo popołdnju móžeše regionalna rěčnica Sonja Hrjehorjowa dalše zajimče do sydarnje domu witać, hdźež je na sćěnje mólba Otta Gartena „Židźinski kwasny ćah” widźeć. Zajim za tutu wosebitu produkciju tkajernje židy Eschke z Crimmitschaua je po informaciji župy jara wulki. Dźakowano spěchowanju maja ludźo jenož 20 procentow produkciskich kóštow płaćić, zo by pěstowanje našeho kulturneho herbstwa wšěm swójbam financielnje přistupne było. 

Kontakt: Sonja Hrjehorjowa, tel.: (03571) 418028, přez mejlku: sonja.hrjehorjowa@domowina.de

Wobraz: Sonja Hrjehorjowa a Sylvia Gläser (wotl.), foto: Domowina/Marcel Brauman