Štwórtk zahaji so mjezynarodny folklorny festiwal „Łužica“
Štyridnjowski XII. mjezynarodny folklorny festiwal „Łužica“ zahaji so 22. junija wječor w Budyšinje. K sobuskutkowacym słušeja ansamble z Egyptowskeje, Norwegskeje, USA, Chorwatskeje, Słowakskeje, Madźarskeje, Grjekskeje, Rumunskeje, Běłoruskeje, Italskeje a Kolumbiskeje kaž tež mjez druhim Serbski folklorny ansambl Wudwor, Serbska rejowanska skupina Smjerdźaca a Serbski ludowy ansambl.
Prěni zaćišć wo hudźbje a rejach skića wuměłcy Budyšanam a dalšim hosćom hižo při swjedźenskim ćahu po měsće. Wón zahaji so štwórtk w 17.45 hodź. při Póstowym naměsće a wjedźe po Bohatej hasy k Hłownemu torhošću. Tam pokazaja wšě skupiny wurězk ze swojeho programa.
Wjeršk wječora budźe wotewrjenska gala w 19.30 hodź. na Hrodźe. Kartki za wotewrjensku galu dóstanjeće w Němsko-Serbskim ludowym dźiwadle kaž tež při wječornej kasy.
Dalše informacije namakaće pod www.folklorefestival-lausitz.de.
Comments and Responses
Božena Šimanec/Schiemann
nowinska rěčnica/
casnikarska powědaŕka/
Pressesprecherin
Domowina z. t./
Domowina – Bund Lausitzer Sorben e. V.
tel.: 03591 / 550 202
Be the First to Comment