Spěchowanski kruh za serbsku ludowu kulturu z. t. přewjedźe lětsa swoje„67. wubědźowanje wo najrjeńše serbske jutrowne jejko ”.
K tomu rěka: „Tež lětsa chcemy zaso wšitkich lajskich wuměłcow na tutym polu namołwić, swoje najrjeńše jejka za wubědźowanje zapodać. Posledni termin za wotedaće kolekcijow za wubědźowanje dorosćenych je pjatk, 28.februara 2020, w Budyšinje abo we regionalnych běrowach Domowiny a Załožby. Njewotwisna jury wuzwoli lětušich dobyćerjow.Dobyćerjo wubědźowanja za dorosćenych so na swjedźeńskim zahajenju 29. Serbskich jutrownych wikow (7./8.3.2020) 7. měrca 2020 w Serbskim domje w Budyšinje wozjewja a mytuja. Wubědźowanje za dźěći a młodostnych přewjedźe so seperatnje. Termin za wotedaće je za tute srjedu po jutrach - 15.4.2020.Dokładne informacije wo wuměnjenjach a městnosćach wotedaća kolekcijow w přiłoze. Kontakt: 03591 / 550 108, foerderkreis@sorben.com , Póstowe naměsto 2, 02625 Budyšin