Lube kolegowki, lubi kolegojo,přichodne zjawne posedźenje zwjazkoweho předsydstwa (ZP) Domowiny budźe pjatk, 28. małeho róžka (februara), w 17.30 hodź. w Židźinom (wjesny dźěl gmejny Halštrowskeje Hole). Městnosć je wobydlerski dom „Stara šula”, K měrowemu dubej 1.Tule je na internetnej stronje třěšneho zwjazka dnjowy porjady přistupny: https://www.domowina.de/fileadmin/Assets/Domowina/Material_Domowina_Bundesvorstand/Tagesordnung/ZP2020_02_28_topsb.pdfPersonelnje dźe wo powołanje čłona ZP do prezidija a noweho předsydy kubłanskeho wuběrka. Zarjadnisce steji wotličenje hospodarskeho plana lěta 2019 a konkluizje za lětuše hospodarjenje na porgramje. Diskusija wo zakładach třěšneho zwjazka: Nowy naćisk změny wustawkow Domowiny so předstaji. Krajnopolitisce budźe so ZP zahajenju dźěławosće Serbskeju radow Braniborskeje a Sakskeje wěnować. Na europskej runinje je EUROPEADA 2020 najskerje naš najwažniši wjeršk lěta, tohodla ma so ZP wězo tež z přihotami na EUROPEADU zaběrać. https://www.europeada.eu/home/deNimo toho je na zwučene wašnje rozprawa předsydy, naprašowanje hosći, schwalenje protokola zašłeho posedźenja, kontrola zwoprawdźenja zapisanych nadawkow a móžnosć aktualneje debaty z wobstatkom dnjoweho porjada.Předłohi zo wobzamknjenja móžeće tu widźeć :https://www.domowina.de/domowina/bundesvorstand/aktuelle-beschlussvorlagen/Jako prěnju praktisku konkluziju z wuslědkow woprašowanja čłonstwa Domowiny je zwjazkowe předsydstwo wobzamknyło, regionalnu zjawnosć bóle do swojich wuradźowanjow zapřijeć. Tón raz steji předstajenje towarstwa „Serbska narodna drastrowa skupina Židźino z.t.” a z tym naležnosće Serbow we Wojerowskich kónčinach na dnjowym porjedźe. Předsyda Uwe Schuster budźe dohlad do wjesneho kulturneho žiwjenja posrědkować.Maće-li hišće prašenja, móžeće so wězo kóždy čas na nas wobroćić. z přećelnym postrowom / z pśijaznym póstrowom / Mit freundlichen GrüßenMarcel Brauman / Marcel Braumannnowinski rěčnik / casnikaŕski powědaŕ / Pressesprecher
wosobinski referent předsydy / wósobinski referent pśedsedarja / pers. Referent des VorsitzendenDomowina z. t. / Domowina – Bund Lausitzer Sorben e. V.
Póstowe naměsto 2/Postplatz 2, 02625 Budyšin/Bautzen
tel. +49 3591 550-202 & +171 89 83 985 presse@domowina.demarcel.brauman@domowina.de