Tutón kónc tydźenja přeproša Spěchowanski kruh za serbsku ludowu kulturu z.t. na 30. Serbske jutrowne wiki do Budyskeho Serbskeho domu. Sobotu a njedźelu móžeće wot 10.00 do 18.00 hodź.  debjerjam na žurli domu přihladować a sebi najrjeńše jutrowne jejka kupić. Maće wězo tež składnosć, so sami w debjenju jutrownych jejkow wuspytać. Dźěći su nimo toho na paslenje a walkowanje jutrownych jejkow prošeni.

Nimo debjerjow jutrownych jejkow budźetej Carola Eitnerjec z keramiku a Birgit Patokowa z wudźěłkami ze škleńcy přitomnej. Runje tak so sobudźěłaćerjo Smolerjec kniharnje na kupcow w Serbskim domje wjesela. A nic naposledk móžeće tež wušiwarce při jeje dźěle přihladować a jej  snano tón abo tamny tip wuwabić.

A štóž chce trochu wodychnyć, móže sebi po cyłym hołku a tołku na štwórtej etaži horcy kofej a słódny tykanc abo tež dobru kołbasku zesłodźeć dać.

Tuž njedajće so prosyć, přijědźće do Budyšina. Wjeselimy so was!

--

An diesem Wochenende lädt der Förderkreis für sorbische Volkskultur e. V. zum 30. sorbischen Ostereiermarkt ins Haus der Sorben in Bautzen ein. Am Samstag und Sonntag können Interessierte jeweils von 10 Uhr bis 18 Uhr den Profis über die Schulter schauen und natürlich auch sorbische Ostereier erwerben. Wer möchte kann sich auch selbst im Verzieren sorbischer Ostereier ausprobieren. Für Kinder sind Bastelangebote und das Waleien vorbereitet.

Weiterhin sind auch Carola Eitner mit Keramik, Birgit Pattoka mit Glaskunst und die Smolersche Buchhandlung mit dabei und runden das Verkaufsangebot ab.  Außerdem lässt sich auch eine Stickerin bei ihrer Arbeit zuschauen und hat vielleicht so manchen guten Tipp parat.     

Natürlich ist auch die Pausenversorgung abgesichert: In der 4. Etage werden heißer Kaffee und leckerer Kuchen sowie herzhafte warme Würstchen angeboten.

Wir freuen uns auf Ihren Besuch!