Spěchowanski kruh za serbsku ludowu kulturu z. t. namołwja dźěći a młodźinu z cyłeje Łužicy, kotřiž čuja so ze serbskej tradiciju zwjazani a kotrymž leži hajenje a zdźerženje tutoho nałožka na wutrobje, so na našim wubědźowanju wobdźělić. Wotedać matej so dwě kokošacej jejce za jednu kolekciju (jenož čisće wudute jejka so hódnoća). Kóždy móže so z wjacorymi technikami na wubědźowanju wobdźělić.Nałožujće při pyšenju jejkow wšě štyri znate serbske techniki z tradicionalnymi srědkami. Hódnoćić budźa so:- wóskowanska technika/jedno- a wjacebarbna- škrabanska technika - wužrawanska technika- bosěrowanska technika/jedno- a wjacebarbna.Kóždy smě so z wjacorymi technikami na wubědźowanju wobdźělić.Dźiwajće při debjenju serbskich jutrownych jejkow na bohate tradicije w dekorje a barbje a wariěrujće je ze swójskimi (swójbne a regionalne) idejemi.Připołožće Wašej kolekciji na kóždy pad łopjeno z mjenom, dokładnej adresu, starobu zapósłarja a pomjenowanjom techniki.Zapodajće Waše kolekcije prošu hač do srjedy, 24. apryla 2019 - w Serbskej kulturnej informaciji w Budyšinje, Póstowe naměsto 2,- w Serbskej kulturnej informaciji "Lodka" w Choćebuzu, Droga Augusta Bebela 82,- w běrowach Domowiny z. t. w Slepom, Měrowa 65; we Wojerecach, Drježdźanska 18;
w Chrósćicach, Při pastyrni 4.Dobyć móža so pjenježne myta mjez 5 a 25 € abo tróštne myta a młodźinske spěchowanske myto we wysokosći 75 €. Kolekcije so – nimo młodźinskeho spěchowanskeho myta, kiž so z dobyćerskimi kolekcijemi dorosćenych wustaja – wšěm wróća. Nadźijamy so na bohate wobdźělenje dźěći a młodostnych na lětušim wubědźowanju wo najrjeńše jutrowne jejko za dźěći a młodostnych. Załožba za serbski lud projekt spěchuje.Spěchowanski kruh za serbsku ludowu kulturu z. t.
Póstowe naměsto 2, 02625 Budyšin, tel. (03591) 550108, foerderkreis@sorben.com