Sobotu, 9.6.2018, zetka so předsydstwo němskeje sekcije CIOFF w Delnjej Łužicy. CIOFF je swětowa organizacija folklornych skupinow a zarjadowarjow folklornych festiwalow z poradźowacym hłosom w UNESCO. Jedyn z jeje hłownych zaměrow je škit imaterielneho kulturneho herbstwa. Na zetkanju spočatk junija w Bórkowach wuhódnoćichu zhromadne dźěło sekcije ze serbskimi čłonami CIOFF w zašłych lětach. Tak wuhotowaše CIOFF Němska zhromadnje z Domowinu 2014 swětowy kongres tuteje mjezynarodneje organizacije w Budyšinje. Předsyda němskeje CIOFF a zdobom wiceprezident swětoweje organizacije Norbert Müller, zo je Serbska rejowanska skupina Smjerdźaca wuzwolena zastupować Němsku na Folkloreadźe 2020 (najwjetši folklorny festiwal swěta/w organizaciji CIOFF). Müller přepoda Müller Gabrielej Krawcej, nawodźe Smjerdźečan skupiny, za jeho dołhodobne spomóžne skutkowanje w tu- a wukraju slěbornu čestnu jehłu CIOFF.                   Clemens Škoda