Na swojim dźensnišim zetkanju pola Krawčikec w Chrósćicach je přihotowanski wuběrk za Mjezynarodny folklorny festiwal „Łužica – Łužyca” lětuši festiwal – organizaciju a wotběh – wuhódnoćił. Nimo toho je wjelelětny předsyda Marko Kowar swój nadawk jako nawoda festiwala złožił. Jeho naslědnistwo chce wuběrk w přichodnym času rjadować. Tež přihoty za přichodny festiwal, kotryž budźe wot 26. do 29. junija 2025, so hižo zahajichu.

Foto: Domowina/Božena Šimanec