Je hižo dobra tradicija, zo přewjedźe Spěchowanski kruh za serbsku ludowu kulturu z. t. do jutrow, lětsa “65. Wubědźowanje wo najrjeńše serbske jutrowne jejko”. Tež lětsa chcemy zaso wšitkich lajskich wuměłcow na tutym polu namołwić, swoje najrjeńše jejka za wubědźowanje zapodać. Posledni termin za wotedaće kolekcijow je pjatk, 16. februara 2018 w Budyšinje abo we regionalnych běrowach Domowiny a Załožby za serbski lud. Njewotwisna jury wuzwoli wutoru, 20.02.2018, lětušich dobyćerjow.
Za dźěći a młodostnych přewjedźe so wosebite wubědźowanje, kotrež zakónči so srjedu po jutrach. Jeli nastanu prašenja, tak wobroćće so prošu na Veroniku Suchowu pod deleka mjenowanej adresu Spěchowanski kruh za serbsku ludowu kulturu z.t./Förderkreis für sorbische Volkskultur e.V., Póstowe naměsto/Postplatz 2, 02625 Bautzen/Budyšin (Tel. 03591 550108).
27. Wiki serbskich jutrownych jejkow, kotrež so tohorunja wot Spěchowanskeho kruha za serbsku ludowu kulturu z. t. organizuja, přewjedu so 24. a 25.02.2018 w Serbskim domje w Budyšinje.