Spěchowanski kruh za serbsku ludowu kulturu skedźbnja na dwaj terminaj: Dnja 24.04.2019 zakónči so wubědźowanja wo najrjeńše serbske jutrowne jejko 2019 za dźěći a młodostnych. To je posledni termin wotedaća kolekcijow. Kolekcije přijimuja w běrowach Domowiny a Załožby za serbski lud kaž tež w Serbskej kulturnej informaciji w Budyskim Serbskim domje. Dnja 27.04.2019 wot 10 do 17 hodź. přewjedźetej Spěchowanski kruh za serbsku ludowu kulturu a Budyski Serbski muzej w muzeju workshop škrabanje jutrownych jejkow, při čimž na historiske mustry dźiwaja. Wobdźělenje płaći 10 € na wosobu. Zajimcy njech so prošu přizjewja pod: foerderkreis@sorben.com; 03591/550 108 abo sekretariat@sorbisches-museum.de; 03591 270 8700.