Na zakónčace wuradźowanje podachu so dźensa 32 přistajenych Domowiny do Prahi. Tam zhladowachu zhromadnje na dźěławosć a wjerški lěta 2024. Radek Čermak, čłon Společnost přatel Lužice, wjedźe po slědach Serbow w Praze.

Dale zhonichu přitomni wo dżěławosći najstaršeho serbskeho towarstwa we wukraju a aktualnych wužadanjach. Wosebje aktualne wuwića energijoweho sektora wobćeẓ̌uja towarstwo, přetoẓ̌ pódlanske kóšty rumnosćow Serbskeho seminara dyrbi towarstwo same přewzać. "Serbski seminar njeje muzej, ale za ludźi", tak Lukaš Novosad, předsyda SPL. Tohodla přewjedu so tu zarjadowanja, kaž citanja abo koncerty. Wosebje wopytowarjow z Łuẓ̌icy tu rady witaja.

"Nam jako Domowina je wažne, zo so naši přećeljo dale tak njesprócniwje angažuja. Je to skutk za dobru zhromadnosć mjez Łužicu a Čěskej. Tohodla přewza Domowina dale a nětko powyšene wudawki pódlanskich kóštow z jednej třećinu, na zakładźe noweho zrěčenja." tak předsyda Domowiny Dawid Statnik.

Sobotu poda so Lukaš Novosad z něhdźe 90 čěskimi zajimcami do Łužicy.

Foto (Domowina/Božena Šimanec): Radek Čermak je na zajimawe a zabawjace wašnje přez Prahu wjedł.