Na zjawnym słyšenju sakskeho krajneho sejma k namjetej koaliciskich frakcijow CDU, Zeleni a SPD „Hranicy přesahowace zhromadne dźěło swobodneho stata Sakskeje z Čěskej republiku posylnjować”

(https://edas.landtag.sachsen.de/viewer.aspx?dok_nr=10136&dok_art=Drs&leg_per=7&pos_dok=&dok_id=281564) pjatk, 30.9., běše tež referent Domowiny za kulturu a wukraj, Clemens Škoda, jako wěcywustojny přeprošeny. Wuběrk za wustawu a prawo, demokratiju, europu a runostajenje wuradźowaše wo předłoze knježerstwowych frakcijow, kotraž wopisuje planowane pohłubšenje saksko-čěskich poćahow na wšelakorych polach kaž policija a kubłanje.

Clemens Škoda: „Kedźbyhódne po mojim měnjenju je, zo so w namjeće třoch frakcijow eksplicitnje serbsko-čěske poćahi jewja.” Škoda wuzběhny zhromadne dźělo z čestnohamtskimi partnerami w Čěskej, wosebje společnost přatel Lužice a hladajo na serbske kulturne lěto Societas Amicuum Liberec. Zdobom rysowase wjele dalšich konkretnych přikładow kaž rewitalizaciju Hórnikoweje knihownje, Studentske probowe lěhwo, kulturne wuměny, Sokołski zlět atd.

Wobrazaj: Lisćina wěcywustojnych, Sakski krajny sejm. Foće: Domowina