Prošu wobkedźbujće tež centralny serbski kalender załožby/SKI za informacije a zapodaće (wosebje wšěch kulturnych) terminow: https://kalendar.sorben.com .

Jeli chceće terminy z wobłuka župow abo Domowinje přisłušacych cyłkow we wuběranych terminach našeho přichodneho tydźenskeho kalendra (23.01.-29.01.2023) wozjewić, pósćelće je prošu hač do štwórtka, 19.01.2023, na sekretariat@domowina.de . Njerukujemy za zrealizowanje tule naspomnjenych podawkow.

wałtoru, 17.01. zeger 15.00: 23. (zjawne) pósejźenje Rady za nastupnosći Serbow w Chóśebuzu. Wobdźěla so předsyda a jednaćel Domowiny kaž tež referent za infrasturkturelne naležnosće.

srjedu, 18.01. w 9.00 hodź.: wuradźowanje regionalnych rěčnicow a referentow Domowiny (online) pod nawodom hłowneje jednaćelki Domowiny k temam: lětny plan 2023 a rozprawa zarjada 2022.

srjedu, 18.01.23 15:15 hodź.: zetkanje k přihotam 75. jubileja 1. Serbskeje kulturneje brigady w SGB ; ze stron Domowiny wobdźělitaj so Rejzka Krügerowa a Clemens Škoda

srjedu, 18.01.23 16:30 hodź.: posedźenje  hospodarskeho wuběrka Domowiny w Serbskim domje w Budyšinje

štwórtk, 19.01.23 10:00 hodź.: partnerske zetkanje kooperacije UNESCO5 (Haus für Mensch und Natur, Schulstraße 9, 03222 Lübbenau/Spreewald). Ze stron Domowiny wobdźělitaj so Diana Maticowa a Pětr Brězan.

štwórtk, 19.01. w 11.00 hodź.: předstajenje koncepta registra serbskeho kulturneho herbstwa w Serbskim instituće. Wobdźěla so předsyda Domowiny, předsyda kulturneho wuběrka Feliks Ričl kaž tež hłowna jednaćelka Domowiny.

štwórtk, 19.01. w 15.00 hodź.: wurjadne posedźenje prezidija Domowiny, online.

pjatk, 20.01. w 10.00 hodź.: zetkanje z jednaćelstwom Serbskeho ludoweho ansambla Dianu Wagnerec a Tomašom Kreibichom-Nawku k předstajenju hrajneho plana a dźěławosće ansambla w přichodnych lětach. Wobdźělitaj so předsyda a hłowna jednaćelka Domowiny.

sobotu, 21.01. zeger 14.00: 130. zapust w Bórkowach

njedźelu, 22.01. wot 14.30 hodź.: serbska koparska wubranka młodźiny D wobdźěli so na turněrje  w Mišnu.