Prošu wobkedźbujće tež centralny serbski kalender załožby/SKI za informacije a zapodaće (wosebje wšěch kulturnych) terminow: https://kalendar.sorben.com .

Jeli chceće terminy z wobłuka župow abo Domowinje přisłušacych cyłkow we wuběranych terminach našeho přichodneho tydźenskeho kalendra (10.10.-16.10.2022) wozjewić, pósćelće mi je prošu hač do štwórtka, 6.10., na marcel.brauman@domowina.de . Njerukujemy za zrealizowanje tule naspomnjenych podawkow.

póndźelu, 3.10., w 10 hodź. předsyda Domowiny, Dawid Statnik, so na swjatočnym zarjadowanju składnostnje dnja němskeje jednoty w Sakskim krajnym sejmje wobdźěli

wutoru, 4.10., w 9 hodź. zetkanje Domowiny – jednaćelki Judit Šołćineje a předsydy Dawida Statnika – z předsydu zarjadniskeho zwjazka „Při Klóšterskej wodźe”, Stefanom Andersom, w Pančicach-Kukowje

wutoru, 4.10., w 14 hodź. zahajenje semestra sorabistiki a powitanje nowačkow na Lipšćanskej uniwersiće, tomu so zetkanje předsydy Domowiny ze studowacymi přizamknje

srjedu, 5.10., w 15 hodź. posedźenje wuběrka Domowiny za naležnosće strukturneje změny, hospodarstwo a infrastrukturu

srjedu, 5.10., w 16.30 hodź. w Serbskej kulturnej informaciji Budyšin wotewrjenje wustajeńcy “Ja znaju kraj”Šulerjo wuměłskeho kubłanja lońšeje rjadownje 11/ 1+2 Serbskeho Gymnazija Budyšin, pod nawodom knjeni Jeleny Neumannoweje, prezentuja swoju wuměłsku interpretaciju wšelakich twórbow Handrija Zejlerja & Korle-Awgusta Kocora. K tomu wuhotuja tež mały program.

štwórtk, 6.10., w 19 hodź. knižna premjera „Serbska protyka 2023” z redaktorom Pětrom Šołtu a awtorami jednotliwych přinoškow w Smolerjec kniharni na Sukelnskej 27 w Budyšinje

pjatk, 7.10., w 13 hodź. zetkanje Domowiny z direktorom sakskeje MDR, Sandrom Virolijom, w Budyskim Serbskim domje

pjatk, 7.10., w 17 hodź. wuznamjenjenske zarjadowanje „Myto Domowiny” w Budyskim Serbskim domje

pjatk, 7.10., w 18.30 hodź. swjedźenske zarjadowanje „70 lět SLA”

sobotu, 8.10., w 14 hodź. dźěłarnička Bjesadow w Hodźiju

Hižo tójšto lět organizuje Serbske ewangelske towarstwo hromadźe ze serbskimi Bjesadami jako lětne zetkanišćo za wumėnu a dalekubłanje dźěłarničku. Lětsa so tuta třeći króć w Hodźiju wotměje, a to w kantoraće, Při nawsy 2 (Am Dorfplatz 2).

Wotběh: 14.00 hodź. zahajenje z nutrnosću (sup. Rummel), předstajenje přełožowanskeho programa „Sotra“ (O. Langner), serbski kwis (L. Malinkowa), přestawka z kofejpićom, 16.00 hodź. „Čmjeła Hana“ – dwurěčne dźiwadło za dźěći a dorosćenych.

Přeprosymy wutrobnje wšitkich sobustawow Bjesadow, maćernorěčnych kaž tež serbsce wuknjacych a wšitkich zajimcow. Serbske ewangelske towarstwo, Hodźijska Bjesada