Łužiska zapósłanča zwjazkoweho sejma Kathrin Michel (SPD) přeprošuje wosebje serbskich zajimcow na kubłansku jězbu do Berlina, na kotrejž móža so młodostni/dorosćeni wot 18 lět wobdźělić. Jězba wotměje so 14./15.12.2022 a lubi zajimawy program w stolicy Němskeje. K tutemu słuša wopyt zwjazkoweho sejma, rozmołwa ze zapósłanču Kathrin Michel a wopyt pomnika za w nacionalsocializmje zamordowanych Sintow a Romow Europy. Konkretny program budźe kónc oktobra předležeć.

Bus startuje 14. decembra rano zahe w Budyšinje a nawróći so 15. decembra na pózdnim wječoru. Přistup je tež po puću móžny, na přikład w Rakecach, Kulowje, Wojerecach, Gródku abo Choćebuzu. Jězba z busom, program, zastaranje kaž tež přenocowanje w Berlinje su darmotne. Zajimcy maja wobkedźbować, zo přenocuja wobdźělnicy w stwě za dweju. Za jednowosobowu stwu dyrbja z popłatkom we wysokosći něhdźe 50 € ličić.

Prošu přizjewće so z mejlku w sekretariaće Domowiny sekretariat@domowina.de hač do 10. nazymnika/nowembra 2022.