Čestnohamtsce so za „zapłać Bóh” na dobro druhich angažować, je wjele ludźom pola nas samozrozumliwosć. Tola hustodosć je tajki angažement bohužel z njetrjebawšimi kóštami zwjazany, abo při čestnohamtskim dźěle klaca ze wšěmi móžnymi pomocnymi srědkami. Cyle wothladajo wot běrokratiskich zadźěwkow, kotrež pomocliwym na čuwy du.Tohodla Domowina a Rěčny centrum WITAJ čestnohmatskich jednotliwcow resp. čestnohamtske cyłki a towarstwa na informaciski wječork přeprošujetej. Tema: „Spěchowanja za čestnohamtskich”. Zjawne zarjadowanje budźe pjatk, 7. februara, w 18 hodź. w sydarni gmejnskeho zarjada w Chrósćicach. Referentka je Dunja Reichelt, zamołwita za čestnohamtske a zjawnostne dźěło w Budyskim krajnoradnym zarjedźe. Trjebaće hišće dalše informacije? Potom wobroćće so prošu na Katharinu Jurkowu, regionalnu rěčnicu Domowiny za teritorij župy Kamjenca, tel.: 035796 / 96254 abo na Mariju Koklinu, młodźinske socialne dźěło Rěčneho centruma WITAJ, tel.: 035796 / 944889. Běrow wobeju je na Hórnikowej 34 w Chrósćicach.