Župa „Jan Arnošt Smoler“ Budyšin přeproša wšěch zajimcow wutrobnje na dźeń wotewrjenych duri do Doma Měrćina Nowaka-Njechorńskeho (1900 – 1990), kiž budźe 17. junija wot 14 do 17 hodź. w Njechornju, Lipowy puć 2. Mjez druhim poskića tam wodźenja po domje a po woblubowanych šćežkach serbskeho molerja, spisowaćela a ludowědnika. Dźěći móžeja po motiwach Měrćina Nowaka wušiwanki zhotowić a Marko Grojlich čita z dopomnjenkow swojeho nana na přećelstwo z Měrćinom Nowakom. Tež kofej a tykanc poskića wopytowarjam. Zastup je darmotny.