Župa „Michał Hórnik” na wubědźowanje přeprošuje, kotrež z aktualneje situacije coronawirusa dla něšto kreatiwne čini. Tydźenje dołho z dźěćimi doma wostać je wulke wužadanje, kotrež móžeš z wotměnjawej zaběru zmištrować. Jako mały pohon startuje župa akciju: Ludźo su pod hesłom „najrjeńša jutrowna paslenka 2020” hač do bołmončki w połnocy – dnja 5.4. w 24 hodź. – namołwjeni, foto ze swojej paslenku pósłać na mejlowu adresu regionalneje rěčnicy: katharina.jurkowa@domowina.de . Wot póndźele, 6.4., w 12 hodź., hač do wutory, 7.4., w 24 hodź., smě kóždy na facebookowej stronje župy sobu wothłosować. Pjeć wobrazow z najwjac likeami dobudźe. Kiwaja rjane knižne myta! – K tomu hišće wažne praktiske pokiwy: So wě, zo su tež debjene jejka jako „paslenka” dowolene. Prošu pisajće do mejlki dospołnu adresu a štó je paslenku zhotowił. Dźiwajće prošu na to, zo je na foće jeničce paslenka widźeć! A sobu činić smě wězo kóždy, kiž to tu čita, wšojedne hdźež bydli.

---

Der Kamenzer Regionalverband „Michał Hórnik” des sorbischen Dachverbandes Domowina möchte die Familien in der Zeit des Daheimbleibens mit einem vorösterlichen Bastelwettbewerb unterstützen. Unter dem Motto „Schönste Oster-Bastelarbeit 2020“ werden bis Palmsonntag um Mitternacht, 5. April, 24 Uhr, Fotos des Selbstgebastelten unter der E-Mail-Adresse der Domowina-Regionalsprecherin entgegengenommen, natürlich sind auch Bilder verzierter Ostereier willkommen: katharina.jurkowa@domowina.de . Vom 6. April, 12 Uhr, bis 7. April, 24 Uhr, werden die eingesandten Bastelarbeiten auf der Facebook-Seite des Regionalverbandes (Župa “Michał Hórnik” – Domowina z.t.) ausgestellt. Jeder kann beim Abstimmen mitmachen, die fünf Bilder mit den meisten Likes gewinnen. Es winken schöne Buchpreise! Ganz wichtig ist: In die Mail die vollständige Adresse und den Namen der Person schreiben, die das abgebildete Werk gebastelt hat. Bitte darauf achten, dass auf dem Foto ausschließlich die Bastelarbeit und nichts sonst zu sehen ist. Last but not least: Natürlich sind auch Menschen aus anderen Regionen und Weltgegenden zur Beteiligung eingeladen!