Prošu wobkedźbujće tež centralny serbski kalender załožby/SKI za informacije a zapodaće (wosebje wšěch kulturnych) terminow: https://kalendar.sorben.com . Jeli chceće terminy z wobłuka župow abo Domowinje přisłušacych cyłkow we wuběranych terminach našeho přichodneho tydźenskeho kalendra (28.2.-6.3.2022) wozjewić, pósćelće mi je prošu hač do štwórtka, 3.2., na marcel.brauman@domowina.de . Njerukujemy za zrealizowanje tule naspomnjenych podawkow. Dźiwajće prošu tež na aktualny staw hamtskich postajenjow w zwisku z pandemiju.

póndźelu, 21.2., w 9 hodź. zazběh do tydźenja – widejokonferenca přistajenych Domowiny

póndźelu, 21.2, w 10 hodź. tydźenske wothłosowanje wjednistwa Domowiny (online)

--- wulkoslědźenišćo „Centrum za astrofyziku” w Serbach – strategiski projekt w ramiku změny strukturow we Łužicy, https://www.deutscheszentrumastrophysik.de/de#partner  ---

štwórtk, 24.2., w 13 hodź. rozmołwa předsydy Domowiny a zastupjerki župy „Michał Hórnik” Kamjenc z prof. Christianom Stegmannom, direktorom za wobłuk „Fyzika astrodźělčkow” slědźenišća „Deutsches Elektronen-Synchrotron” (DESY), w Ralbicach wo zhromadnych impulsach za wuwiće Łužicy, wšako mamy w Serbach samych (hlej n.př. prof. Mikławša Joachima Wićaza, serbskeho wunamakarja PC) dołhu tradiciju wunamakarskeho ducha.

štwórtk, 24.2., w 14.30 hodź. wobdźělenje předsydy Domowiny a zastupjerki župy „Michał Hórnik” Kamjenc na zjawnym terminje z prof. Güntherom Hasingerom, wědomostnym direktorom Europskeje swětnišćoweje organizacije ESA, w Konjecach – na zahonje čo. 303/1 (woni su načolnych komunalnych politkarjow a medije na městno točenja přeprosyli.)

---

štwórtk, 24.2., w 20 hodź. Serbska rada Sakskeje w Drježdźanach

Aktualizowanja po potrjebje w běhu tydźenja su přeco móžne.