Prošu wobkedźbujće tež centralny serbski kalender załožby/SKI za informacije a zapodaće (wosebje wšěch kulturnych) terminow: https://kalendar.sorben.com . Jeli chceće terminy z wobłuka župow abo Domowinje přisłušacych cyłkow we wuběranych terminach našeho přichodneho tydźenskeho kalendra (7.2.-13.2.2022) wozjewić, pósćelće mi je prošu hač do štwórtka, 3.2., na marcel.brauman@domowina.de . Njerukujemy za zrealizowanje tule naspomnjenych podawkow. Dźiwajće prošu tež na aktualny staw hamtskich postajenjow w zwisku z pandemiju.

póndźelu, 31.1., w 9 hodź. zazběh do tydźenja – widejokonferenca přistajenych Domowiny

póndźelu, 31.1., w 10 hodź. wothłosowanje jednaćelki z referentami a referentkami

póndźelu, 31.1., w 19 hodź. župne předsydstwo župy „Michał Hórnik” w Chrósćicach (nowinska zdźělenka wo wuslědkach sćěhuje) – předstajenje noweje jednaćelki Judit Šołćineje, skonkretizowanje a schwalenje projektow 2022 atd.

wutoru, 1.2., we Łazu: zahajenje Lěta Zejlerja a Kocora z małym spominanskim zarjadowanjom składnostnje narodnin Zejlerja na přeprošenje předsydstwa spěchowanskeho towarstwa Zetkanišća Dom Zejlerja a Smolerja we Łazu (nowinska zdźělenka sćěhuje) – wuměnjenjow pandemije dla so spominanje w najwušim kruhu wotměje. Jako zastupjer Domowiny budźe ko-župan župy „Handrij Zejler“ Wojerecy, Marcel Brauman, přitomny.

srjedu, 2.2., w 11 hodź. online wodźaca skupina 2plus, mj. dr. wobdźělenej kubłanska referentka Katrin Suchec-Dźisławkowa a nawodnica RCW dr. Beata Brězanowa

srjedu, 2.2., w 16:30 hodź.konstituowace posedźenje (online) wuběrka za naležnosće strukturneje změny, hospodarstwo a infrastrukturu (přisłušny referent ze stron zarjada: Pětr Brězan)

štwórtk, 3.2., w 8 hodź. online-snědań k temje medije na přeprošenje šefa statneje kenclije Sakskeje, Olivera Schenka, na kotrejž so předsyda Domowiny, Dawid Statnik, w swojej funkciji jako předsyda zhromadźizny Sakskeho krajneho wustawa za priwatny rozhłós a nowe medije wobdźěli

štwórtk, 3.2., w 15 hodź. konstituowace posedźenje (online) wuběrka za nutřkownu demokratiju a serbsku ciwilnu towaršnosć (přisłušna referentka ze stron zarjada: Madlenka Di Sarnowa)

štwórtk, 3.2., w 20 hodź. posedźenje Serbskeje rady Sakskeje

Aktualizowanja po potrjebje w běhu tydźenja su přeco móžne.