Referenća a regionalne rěčnicy Domowiny su so štwórtk we Wojerecach schadźowali. Wojerowska regionalna rěčnica Sonja Hrjehorjowa wo rozrosće serbskeho žiwjenja w Delnim Wujězdźe informowaše: Planowane su znowazałoženje towarstwa „Zahrodka” klětu składnostnje 100. róčnicy prěnjeho załoženja, rěčny kurs a wustajeńca wo serbskich stawiznach. Katrin Lehmannojc – projektowa wobźěłarka RCW w Delnej Łužicy, wo wšelakich projektach kaž comicowe wubědźowanje abo přirodne hry za předšulske dźěći a šulerjow prěnich lětnikow rozprawješe. Po tym, zo je pandemije dla lětsa wjele projektow wupadnyło, maja zaso retomas podawkow na starosći, kaž na přikład dźeń serbskich pedagogow abo serbski dźeń swójbow na zakładnej šuli Picnjo.