Tereza Wićazowa /Flensburg, 29.06.2024:

Po tym, zo běštej so serbskej mustwje w Njebjelčicach kaž tež w Dešnje rozžohnowałoj, dojědźeštaj busaj sobotu rano wokoło knapoł šesćich k hotelej blisko danskeje hranicy. Slědowaše zhromadna snědań w hotelu. Po tym mějachu hrajerki a hrajerjo serbskeho mustwa čas za wotpočink, prjedy hač podachu so na prěni trening. Žony běžachu na blisko ležacy přibrjóh a absolwowachu lochki trening w pěsku. Mužojo trenowachu na kopanišću w Grænsehallerne, štož leži krótko po danskej hranicy. Krótko do třoch startowachu do Schleswig, hdźež so europeada na arealu šule „AP Moller” oficielnje zahaji. Paralelnje wotmě so přijeće politiskeho razu. Tam rěčachu mjez druhim prezident FUEN Loránt Vincze, jako zamołwity organizator turněra, hospodarska ministerka Danskeje Stephanie Lose a ministerski prezident Schleswigsko-Holsteinskeje Daniel Günther.
Wokoło 17.00 hodźin předstajichu so narodne mjeńšiny lětušich mustwow. Zhromadnje zaćahnychu na sportnišćo. Po wotewrjenju přez organizatorow europeady, FUEN, wróćištej so serbskej mustwje zhromadnje do hotela. Wječor wuklinči z wuradźowanjom mustwow a ze zhromadnej wječeru. Někotři wobhladachu sej hru europskich mišterstwow Němskeje na Dansku.

Eröffnung
Nachdem die beiden Mannschaften zuerst in Nebelschütz/Njebjelčicy (Sachsen) als auch in Dissen/Dešno (Brandenburg) verabschiedet wurden, erreichten die Busse Sonnabendmorgen das Hotel nahe der dänischen Grenze. Es folgte ein gemeinsames Frühstück im Hotel. Danach hatten die Spielerinnen und Spieler der sorbischen Mannschaft Zeit zum Ausruhen, bevor sie sich zur ersten Trainingseinheit begaben. Die Frauen liefen zum nahen liegenden Strand und absolvierten ein leichtes Training im Sand. Die Männer trainierten derweil auf dem Fußballplatz in Grænsehallerne, welcher sich unweit der dänischen Grenze befindet. Kurz vor 15 Uhr starteten sie nach Schleswig, wo auf dem Areal der Schule „AP Moller“ die offizielle Eröffnung stattfand. Parallel dazu fand der Empfang statt. Dort sprachen unter anderem der FUEN-Präsident Loránt Vincze, als Organisator und Ausrichter der Europeada, Dänemarks Wirtschaftsministerin Stephanie Lose und der Ministerpräsident von Schleswig-Holstein Daniel Günther. Um 17 Uhr wurden die anwesenden Minderheiten vorgestellt und die Mannschaften zogen gemeinsam auf den Sportplatz ein. Nach der Eröffnung kehrten die beiden Mannschaften wieder gemeinsam ins Hotel zurück. Der Abend klang mit den jeweiligen Mannschaftsbesprechungen und einem gemeinsamen Abendessen aus. Anschließend schauten sich einige das Spiel der Europameisterschaft Deutschland – Dänemark an.

Livestreamlink – hry – Spiele – Serbske Mustwo – Europeada 2024:
https://www.youtube.com/@studijoLucija/videos?view=2&sort=dd&live_view=502&shelf_id=1

Europeada
Serbja wobdźěla so přez Domowinu, kotraž je čłon Federalistiskeje unije europskich narodnych mjeńšin (FUEN), na lětušej europeadźe – europskich mišterstwow kopańcy rěčnych mjeńšin. Tutón raz wobdźělitaj so zaso dwě koparskej mustwje (žony / mužojo). Turněr wotměje so wot 29.06.2024 hač do 07.07.2024 w Němskej a Danskej. Hosćićeljo lětsa su Sinti a Roma w Schleswigsko-Holsteinskej, Frizojo, němska mjeńšina w Danskej kaž tež danska mjeńšina w Němskej. Dohromady wobdźěli so 35 teamow na turněrje, wotměwacy so w 14 wšelakich stadijach. Organizator je FUEN zhromadnje z lokalnymi zarjadowarjemi. Nimo kopańcow je wobšěrny ramikowy program planowany.