Imaterielne kulturne derbstwo

We Łužycy mamy styri UNESCO-šćitane městna: biosferowy rezerwat Błota, Górnołužyska góla a gaty, Mužakojski zagórk a swětowe derbstwo Mužakowski park. Zgromadnje z imaterielnym kulturnym derbstwom Serbow twórje toś te na swěśe jadnoraznu koncentraciju krajinow ze statusom UNESCO resp. imaterielnym kulturnym derbstwom Zwězkoweje republiki Nimska.

Wót lěta 2023 kooperěruju zagronite městna a Domowina ako zastupjarka Serbow. W zgromadnem projekśe UNESCO 5 pśinosuju swójski pśinosk k strukturnej změnje we Łužycy. Pód gronidłom "derbstwo Łužyce" zjadnośijo a zmócnijo projekt UNESCO 5 mócow pěś partnarjow. Tak wuwijaju se kubłańske pórucenja, tematiske kólasowarske tury a šulske programy, aby njewuzwignuli jano rědnosć a wuznam regiona, ale teke aby se jich stawizny pósrědnjali.

Dalšne informacije wó projekśe namakajośo pód: www.erbe-lausitz.eu

kontakt:

Clemens Škoda
projektowy koordinator
tel. +49 (0)3591 550-208
clemens.skoda@domowina.de