Imaterielne kulturne herbstwo

We Łužicy mamy štyri UNESCO-škitane městna: biosferowy rezerwat Błóta, Hornjołužiska hola a haty, Mužakowski zahork a swětowe herbstwo Mužakowski park. Zhromadnje z imaterielnym kulturnym herbstwom Serbow tworja tute na swěće jónkrótnu koncentraciju krajinow ze statusom UNESCO resp. imaterielnym kulturnym herbstwom Zwjazkoweje republiki Němska.

Wot lěta 2023 kooperuja zamołwići městnosćow a Domowina jako zastupjerka Serbow. W zhromadnym projekće UNESCO 5 přinošuja swójski přinošk k strukturnej změnje we Łužicy. Pod hesłom "herbstwo Łužicy" zjednoća a zesylnja projekt UNESCO 5 mocy pjeć partnerow. Tak wuwiwaja so kubłanske poskitki, tematiske kolesowanske tury a šulske programy, zo njebychu jenož rjanosć a wuznam regiona wuzběhnyli, ale tež zo bychu so jich stawizny posrědkowali.

Dalše informacije wo projekće namakaće pod:www.erbe-lausitz.eu

kontakt:

Clemens Škoda
projektowy koordinator
tel. +49 (0)3591 550-208
clemens.skoda@domowina.de