Zwjazkowe předsydstwo

Zestawa a nadawki Zwjazkoweho předsydstwa Domowiny

Zwjazkowe předsydstwo ma hač do 30 čłonow a woli so na štyri lěta. Zwjazkowe předsydstwo ma slědowace nadawki:

- rozsudźeć wo prašenjach běžneho dźěła Domowiny mjez hłownymaj zhromadźiznomaj,

- postajeć ćežišća dźěławosće a rjadować zawjazowace zamołwitosće za zwoprawdźenje nadawkow,

- přijimać prawidłownje rozprawy předsydy a prezidija Domowiny,

- postajeć zamołwitosće a nadawki prezidija,

- rjadować wobsydstwo a financy Domowiny,

- přijimać a schwalić financne a hospodarske plany a rozprawy,

- wutworić dźěłowe wuběrki,

- přijimać rozprawy hłowneho jednaćela wo dźěle zarjada Domowiny a postajić ćežišća dźěła zarjada,

- postajeć ćežišća dźěławosće Domowinje přisłušacych institucijow a wotrjadow,

- přijimować rozprawy nawodow Domowinje přisłušacych institucijow a wotrjadow,

- nachwilnje přijimać nowe towarstwa do Domowiny,

- nachwilnje rozsudźić wo nošerstwach dalšich institucijow abo wotrjadow pod třěchu Domowiny,

- powołać a wotwołać resp. nominować zastupjerjow Serbow do/z gremijow a přijimać prawidłownje rozprawy wo jich dźěławosći,

- wobzamknyć dźěłowe porjady Domowinskeho zarjada a Domowinje přisłušacych institucijow a wotrjadow,

- powołać a wotwołać nawodow Domowinje přisłušacych institucijow a wotrjadow,

- powołać a wotwołać hłowneho jednaćela a jednaćela Domowiny,

- wobzamknyć wuznamjenjenske porjady Domowiny, kiž njejsu z wobstatkom tutych wustawkow, a wolić čłonow mytowanskeho wuběrka.