Na zwučene wašnje móža dźěći a młodostni (hač do 24 lět) kolekcije jejkow za wubědźowanje zapodać.

Wotedać móžeće kolekcije z dwěmaj wudutymaj kokošacymaj jejkomaj (swójske kreacije, swójbne a regionalne tradicije). Při čimž je wobdźělenje z wjacorymi technikami móžne.

Jury preměruje znate serbske techniki, z tradicionelnymi mustrami a tradicionelnymi gratami zhotowjene jejka – wóskowane/jednobarbne a wjacebarbne, bosěrowane/jednobarbne a wjacebarbne, škrabane, wužrawane.

Dobyćerjo dóstanu wopismo a pjenježne myto. Wšitke kolekcije so zaso wróća, wuwzaće je Młodźinske spěchowanske myto, kotrež so z kolekcijemi dorosćenych wustaja.

Kolekcije móža so hač do 08.04.2024 w regionalnych běrowach Domowiny w Slepom, Wojerecach a Chrósćicach abo w Serbskej kulturnej informaciji w Budyšinje abo w Choćebuzu wotedać. Zhromadnje z kolekciju jejkow zapodajće prošu waše mjeno, adresu, wašu starobu a wužiwanu techniku. Móžeće waše kolekcije tež přez póštu na sćěhowacu adresu pósłać:

Spěchowanski kruh za serbsku ludowu kulturu z.t.
hesło: jutrowne jejka
Póstowe naměsto 2/ Postplatz 2
02625 Budyšin/Bautzen.

Štóž kolekcije woteda, přizwoli, zo smědźa so mjeno, staroba a městnosć, kaž tež foto kolekcije w zwisku z wuslědkami wubědźowanja wozjewić. Jeli zo nochceće, zo so wobrazy Wašeje kolekcije wozjewja, napisajće nam prošu mailku: info@sorbische-volkskultur.de.